କୋରାପୁଟ,୨୮।୩(ସ୍ବ.ପ୍ର.): କୋରାପୁଟ ଜିଲା ନନ୍ଦପୁର ଥାନା ଅନ୍ତର୍ଗତ ହିକିମପୁଟ ଗ୍ରାମନିକଟସ୍ଥ ଲେଞ୍ଜିପୁଟ ନାଳରେ ମଙ୍ଗଳବାର ମାଟି ଅତଡ଼ା ଖସିଛି। ଏଥିରେ ୨ ଜଣଙ୍କ ମୃତ୍ୟୁ ଘଟି ଥିବାବେଳେ ୨ ଜଣ ଗୁରୁତର ହୋଇଛନ୍ତି। ମୃତକ ହେଲେ ଘାଗଡ଼ାପଣ୍ଡି ଗ୍ରାମର ଶଶି ହନ୍ତାଳ ଓ ଦଇମତି ହନ୍ତାଳ ଓ ଗୁରୁତର ହେଲେ ମୁକ୍ତା କିରସାନୀ ଓ ଜ୍ୟେତି ବଡନାୟକ । ନନ୍ଦପୁର ଅଗ୍ନୀଶମ ବାହିନୀ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ମୃତକଙ୍କ ସହ ଗୁରୁତରମାନଙ୍କୁ ଉଦ୍ଧାର କରି ନନ୍ଦପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନେଇଛନ୍ତି।
ମିଳିଥିବା ସୂଚନାରୁ ଜଣାଯାଇଛି ଯେ, ହିକିମପୁଟ ପଞ୍ଚାୟତର ଘାଗଡାପଣ୍ଡି ଶଶି, ଦୟମତୀ, ମୁକ୍ତା ଓ ଜ୍ୟେତିି ମାଟି ସଂଗ୍ରହ ନିମନ୍ତେ ମଙ୍ଗଳବାର ମଧ୍ୟାହ୍ନରେ ହିକିମୁନୁଟ ଗ୍ରାମ ନିକଟରେ ଥିବା ଲେଞ୍ଜିପୁଟ ନାଳକୁ ଯାଇଥିଲେ। ସେଠାରୁ ମାଟି ଖୋଳୁଥିବାବେଳେ ମାଟି ଅତଡା ଖସି ଉପରୋକ୍ତ ଶଶି ଓ ଦୟମତୀଙ୍କ ମୃତ୍ୟୁ ଘଟିଥିବାବେଳେ ମୁକ୍ତା ଓ ଜ୍ୟେତି ଗୁରୁତର ହୋଇଥିବା ନନ୍ଦପୁର ଥାନା ପକ୍ଷରୁ ସୂଚନା ଦିଆଯାଇଛି।
