କିଭ୍,୩୦ା୯: ପଶ୍ଚିମ ୟୁକ୍ରେନର ତେଲ ପାଇପ୍ଲାଇନ୍ରେ ବଡ଼ଧରରଣ ଅଗ୍ନିକାଣ୍ଡ ଘଟିଛି। ପଶ୍ଚିମ ୟୁକ୍ରେନ ଇଭାନୋ-ଫ୍ରାଙ୍କିଭସ୍କର ଥିବା ତେଲ ପାଇପ୍ଲାଇନ୍ରେ ଏହି ଅଗ୍ନିକାଣ୍ଡ ଘଟି ୩ ଜଣ ଆହତ ହୋଇଛନ୍ତି ବୋଲି ଜରୁରୀକାଳିନ ସେବାପକ୍ଷରୁ ଶନିବାର କୁହାଯାଇଛି।
ସୋସିଆଲ ମିଡିଆରେ ଶେୟାର ହୋଇଥିବା ଫୁଟେଜ୍ରେ ଏହା ଏକ ଗାଁ ପରି ଦେଖାଯାଉଛି। ନାଡଭର୍ନା ଜିଲାର ଷ୍ଟ୍ରିମ୍ବା ଗାଁ ନିକଟରେ ଏକ ତେଲ ପାଇ୍ପଲାଇନ୍ (ବ୍ୟାସ ୧୫୦ ମିଲିମିଟର) ଭାଙ୍ଗିଯାଇଛି ବୋଲି ୟୁକ୍ରେନର ରାଜ୍ୟ ଜରୁରୀକାଳିନ ସେବା କହିଛି।
ଏଥିରେ କୁହାଯାଇଛି, ଏହି ବିସ୍ଫୋରଣରେ ୧୦୦ ବର୍ଗମିଟର ପରିସରରେ ଏକ ତେଲ ପାଇପଲାଇନ୍ ଜଳୁଛି। ଅଗ୍ନିକାଣ୍ଡର କାରଣ ସ୍ପଷ୍ଟ ହୋଇନାହିଁ। ସ୍ଥାନୀୟ ଗଣମାଧ୍ୟମ କହିଛି, ସେଠାରେ ଏକ ଶକ୍ତିଶାଳୀ ବିସ୍ଫୋରଣ ହୋଇଛି। ଘଟଣାସ୍ଥଳରେ ଉଦ୍ଧାରକାରୀମାନେ କାର୍ଯ୍ୟ କରୁଛନ୍ତି ବୋଲି ଜରୁରୀକାଳିନ ସେବା କହିଛି।