ବିପୁଳ ପରିମାଣ ବିଦେଶୀ ମଦ ସହ ଲକ୍ଷାଧିକ ଟଙ୍କା ଜବତ: ୨ ଗିରିଫ

ବନ୍ତଳା,୫।୩: ଅନୁଗୋଳ ସ୍ପେଶାଲ ସ୍କ୍ବାଡ୍‌ ପକ୍ଷରୁ ଚଢ଼ାଉ କରି ୪୬.୮ ଲିଟର ବିଦେଶୀ ମଦ ସହ ୧ଲକ୍ଷ ୧୦ହଜାର ୭୨୫ଟଙ୍କା ଜବତ କରାଯାଇଛି। ମିଳିଥିବା ସୂଚନା ଅନୁସାରେ, ଅନୁଗୋଳ ଜିଲା ସ୍ପେଶାଲ ସ୍କ୍ବାଡ୍‌ ପେଟ୍ରୋଲିଂ କରୁଥିଲା ବେଳେ ବନ୍ତଳା ଥାନା ଅନ୍ତର୍ଗତ ପୋକୁତୁଙ୍ଗା ଛକ ନିଟକରେ ଏକ ବାଇକ ନଂ ଓଡି୧୯ଟି ୭୨୮୬ରେ ବିପୁଳ ପରିମାଣର ବେଆଇନ ବିଦେଶୀ ମଦ ଯାଉଥିବା ଜାଣିପାରି, ଜବତ କରିଛି। ଏଥି ସହ ବେପାରିଙ୍କ ଗାଡି ଡିଗିରେ ଥିବା ୧ଲକ୍ଷ ୧୦ହଜାର ୭୭୫ ଟଙ୍କା ଜବତ କରି ବନ୍ତଳା ପୋଲିସ ଜିମା ଦେଇଥିଲେ। ଏ ନେଇ ବନ୍ତଳା ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିବା ସହ ୨ଜଣକୁ ଗିରଫ କରି ତଦନ୍ତ ଜାରି ରଖିଛି । ଗିରଫ ହୋଇଥିବା ନିରଞ୍ଜନ କୁମାର ୨୬ ଓ ପପୁ କୁମାର ୪୯ ଦୁଇଜଣ ବିହାର ରାଜ୍ୟର କାଇମୁର ଜିଲାର ହୋଇଥିଲା ବେଳେ ବନ୍ତଳା ଥାନା ଅନ୍ତର୍ଗତ ନନ୍ଦପୁର ପଞ୍ଚାୟତ କରତପଟାଠାରେ ରହି ବେଆଇନ ବିଦେଶୀ ମଦ ଅଞ୍ଚ଼ଳ ବିଭିନ୍ନ ଛୋଟ ଛୋଟ ଦୋକାନକୁ ଯୋଗାଇଥାନ୍ତି ବୋଲି ଜଣାପଡିଛି।