![](https://www.dharitri.com/wp-content/uploads/2021/12/n-7-16.jpg)
ମିୟାମୀ, ୨୧।୧୨: ପୃଥିବୀର ସର୍ବବୃହତ୍ କ୍ରୁଜ୍ ଶିପ୍ ରୟାଲ କାରିବିୟାନ୍ର ୪୮ ଯାତ୍ରୀଙ୍କ ନମୁନା ରିପୋର୍ଟ କରୋନା ପଜିଟିଭ୍ ଆସିଛି। ଏହି ଶିପ୍ରେ ଥିବା ୬,୦୦୦ ଯାତ୍ରୀ ଏବେ ଆତଙ୍କରେ ରହିଛନ୍ତି। କଡ଼ା କଟକଣା ଏବଂ ମାର୍ଗଦର୍ଶିକା ତଥା ସୁରକ୍ଷା ବ୍ୟବସ୍ଥା ସତ୍ତ୍ୱେ ଏଭଳି ହୋଇଥିବା କ୍ରୁଜ୍ ଶିପ୍ର ପରିଚାଳନା କର୍ତ୍ତୃପକ୍ଷ ସୂଚନା ଦେଇଛନ୍ତି।
ଜଣେ ଯାତ୍ରୀଙ୍କ କରୋନା ଯାଞ୍ଜ୍ କରାଯାଇଥିଲା। ରିପୋର୍ଟ ପଜିଟିଭ୍ ଆସିବାରୁ ତାଙ୍କ ସମ୍ପର୍କରେ ଆସିଥିବା ଲୋକଙ୍କର ନମୁନା ପରୀକ୍ଷା କରାଯାଇଥିଲା। ଶିପ୍ର ୯୫ ପ୍ରତିଶତ ଯାତ୍ରୀଙ୍କୁ ଟିକା ଦିଆଯାଇଥିଲା। ପଜିଟିଭ୍ ଆସିଥିବା ଯାତ୍ରୀଙ୍କ ମଧ୍ୟରୁ ୯୮ ପ୍ରତିଶତ ଟିକା ନେଇ ସାରିଥିବା ଶିପ୍ର ପରିଚାଳନା କର୍ତ୍ତୃପକ୍ଷ କହିଛନ୍ତି। କରୋନା ପଜିଟିଭ୍ ସମସ୍ତ ଯାତ୍ରୀଙ୍କୁ କ୍ୱାରାଣ୍ଟାଇନ୍ରେ ରଖାଯାଇଛି।