ମସ୍କୋ,୧୫।୧: ୟୁକ୍ରେନ ସହିତ ଚାଲିଥିବା ଯୁଦ୍ଧ ମଧ୍ୟରେ ରୁଷିଆ ପାଇଁ ଏକ ଖୁସି ଖବର ଆସିଛି। ସୂଦୂର ପୂର୍ବର ସବୁଠାରୁ ବଡ ସୁନା ଖଣି ଏଠାରେ ମିଳିଛି । ରୁଷିଆ ନିଜେ ସୁନା ଖଣିର ଆବିଷ୍କାରକୁ ନିଶ୍ଚିତ କରିଛି। ଏହି ଖଣି ଇଷ୍ଟର୍ଣ୍ଣ ଫେଡେରାଲ ୟୁନିଟ କୋଟକାରେ ଅବସ୍ଥିତ। ରୁଷିଆ ଦାବି କରିଛି ଯେ ଏହି ଖଣିରେ ୧୦୦ଟନରୁ ଅଧିକ ସୁନା ଅଛି। ଏହାପୂର୍ବରୁ ସୌଦି ଆରବର ମକ୍କା ନିକଟରେ ସୁନା ଖଣି ମିଳିଥିଲା।
ସ୍ପୁଟନିକ ରିପୋର୍ଟ ଅନୁଯାୟୀ, ୧୯୯୧ରୁ ରୁଷିଆ ସର୍ବବୃହତ ସୁନା କ୍ଷେତ୍ର ଆବିଷ୍କାର କରିଛି। ଏକ ନୂତନ ସୁନା ଖଣି ଖୋଜିବା ରୁଷିଆର ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ପାଇଁ ଅତ୍ୟନ୍ତ ଉପଯୋଗୀ ପ୍ରମାଣିତ ହୋଇପାରେ।
ବାସ୍ତବରେ, ଗତ ଦୁଇ ବର୍ଷ ଧରି ୟୁକ୍ରେନ ସହିତ ଚାଲିଥିବା ଯୁଦ୍ଧ ମଧ୍ୟରେ ପାଶ୍ଚାତ୍ୟ ଦେଶମାନେ ରୁଷିଆ ଉପରେ ଅନେକ ପ୍ରକାରର ପ୍ରତିବନ୍ଧକ ଲଗାଇଛନ୍ତି। ଯେଉଁଥିରେ ସେହି ଦେଶରେ ଉପସ୍ଥିତ ରୁଷିଆର ସମ୍ପତ୍ତି ଜବତ ମଧ୍ୟ ଅନ୍ତର୍ଭୁକ୍ତ। ଏହା ରୁଷିଆର ଅର୍ଥନୀତି ପାଇଁ ଏକ ବଡ ଝଟକା ଦେଇଛି। ଏଭଳି ପରିସ୍ଥିତିରେ ରୁଷିଆ ପାଇଁ ଏହି ସୁନା ଖଣିର ଆବିଷ୍କାର ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ।