ମୁମ୍ବାଇ,୨୦ା୧୦: ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) ଫ୍ରାଞ୍ଚାଇଜ୍ ମୁମ୍ବାଇ ଇଣ୍ଡିଆନ୍ସ ଶୁକ୍ରବାର ବିଧିବଦ୍ଧ ଭାବେ ଶ୍ରୀଲଙ୍କାର ପୂର୍ବତନ ପେସ୍ ବୋଲର ଲସିଥ ମାଲିଙ୍ଗାଙ୍କୁ ବୋଲିଂ କୋଚ୍ ଭାବେ ନିଯୁକ୍ତି ଦେଇଛି। ଶେନ ବଣ୍ଡ୍ଙ୍କ ପରେ ଏହି ସ୍ଥାନ ଖାଲିପଡ଼ିଥିଲା। ୪୦ ବର୍ଷୀୟ ମାଲିଙ୍ଗା ପୂର୍ବରୁ ୫ ଥର ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ତରଫରୁ ଖେଳିଛନ୍ତି। ଆଗାମୀ ସିଜନ ପାଇଁ ସେ ମାର୍କ ବାଉଚର ଏବଂ ତାଙ୍କ ପୂର୍ବତନ ଟିମ୍ମେଟ୍ କିରନ୍ ପୋଲାର୍ଡଙ୍କ ନେତୃତ୍ୱାଧୀନ ଟିମ୍ରେ ବିଧିବଦ୍ଧ ଭାବେ ଯୋଗ ଦେଇଛନ୍ତି।
ମାଲିଙ୍ଗାଙ୍କ ଚମତ୍କାର ବୋଲିଂ ଯୋଗୁ ଶ୍ରୀଲଙ୍କା ଏବଂ ଆଇପିଏଲ୍ରେ ମୁମ୍ବାଇ ଇଣ୍ଡିଆନ୍ସ ବହୁ ଗୁରୁତ୍ୱପୂର୍ଣ୍ଣ ମ୍ୟାଚ୍ ବିଜୟୀ ହୋଇପାରିଛି। ଏହି ପୂର୍ବତନ ଷ୍ଟାର ପେସ୍ ବୋଲର ୧୩ ବର୍ଷ ଧରି ମୁମ୍ବାଇ ଇଣ୍ଡିଆନ ସହିତ କାର୍ଯ୍ୟ କରିଛନ୍ତି।