ଲଡର୍‌ସ ଟେଷ୍ଟ: ଦୃଢ଼ ସ୍ଥିତିରେ ଅଷ୍ଟ୍ରେଲିଆ
8:00 amJuly 1, 2023July 1, 2023 / 02

ଲଣ୍ଡନ, ୧।୭: ଲଡର୍‌ସ ଠାରେ ଚାଲିଥିବା ଦ୍ୱିତୀୟ ଆଶେସ ଟେଷ୍ଟରେ ଇଂଲଣ୍ଡ ବିପକ୍ଷରେ ଅଷ୍ଟ୍ରେଲିଆ ନିଜର ସ୍ଥିତି ମଜଭୁତ କରିଛି। ଅଷ୍ଟ୍ରେଲିଆ ପ୍ରଥମ ଇନିଂସରେ ୪୧୬ ରନ କରିଥିବାବେଳେ ଇଂଲଣ୍ଡ ପ୍ରଥମ ଇନିଂସରେ ୩୨୫ ରନକରି ଅଲ୍‌ଆଉଟ ହୋଇ ଯାଇଥିଲା। ତୃତୀୟ ଦିବସ ଷ୍ଟମ୍ପ୍ସ ଅପସାରଣ ବେଳକୁ ଅଷ୍ଟ୍ରେଲିଆ ଦ୍ୱିତୀୟ ଇନିଂସରେ ୨ ଉଇକେଟ ହରାଇ ୧୩୦ ରନ ସଂଗ୍ରହ କରି ନେଇଛି। ଫଳରେ ୮ ଉଇକେଟ ସୁରକ୍ଷିତ ଥାଇ ଦଳ ୨୨୧ ରନରେ ଅଗ୍ରଣୀଲାଭ କରିଛି। ଡେଭିଡ ଓ୍ବାର୍ନର ୨୫ ଓ ମାର୍ନସ ଲାବୁସେନ ୩୦ ରନକରି ଆଉଟ ହୋଇଥିବାବେଳେ ଉସମାନ ଖ୍ବାଜା ୫୮ ଓ ଷ୍ଟିଭେନ୍‌ ସ୍ମିଥ୍‌ ୬ ରନରେ ଅପରାଜିତ ରହିଛନ୍ତି। ଇଂଲଣ୍ଡ ଦ୍ୱିତୀୟ ଇନିଂସରେ ବେନ୍‌ ଡକେଟ ସର୍ବାଧିକ ୯୮ ରନ କରିଥିଲେ। ହ୍ୟାରି ବ୍ରୁକ୍‌ ୫୦, ଜ୍ୟାକ୍‌ କ୍ରଲି ୪୮ ଓ ଓଲି ପୋପ୍‌ ୪୨ ରନର ଯୋଗଦାନ ଦେଇଥିଲେ। ଅଷ୍ଟ୍ରେଲିଆ ବୋଲରଙ୍କ ମଧ୍ୟରେ ମିଚେଲ ଷ୍ଟାର୍କ ୩ଟି, ଜୋଶ୍‌ ହାଜେଲଉଡ୍‌ ଓ ଟ୍ରାଭିସ ହେଡ୍‌ ୨ଟି ଲେଖାଏ ଏବଂ ପ୍ୟାଟ୍‌ କୁମିନ୍ସ, ନାଥାନ ଲିୟନ ଓ କାମେରନ ଗ୍ରୀନ୍‌ ଗୋଟିଏ ଲେଖାଏ ଉଇକେଟ ନେଇଥିଲେ।