ନୂଆଦିଲ୍ଲୀ,୨୨ା୩: ଡିସିବି ବ୍ୟାଙ୍କ ପକ୍ଷରୁ ନିକଟରେ ‘ଡିସିବି ଟ୍ରାଭେଲ ସ୍ମାର୍ଟକାର୍ଡ’ର ସର୍ବଭାରତୀୟ ଶୁଭାରମ୍ଭ କରାଯାଇଛି। ବିଶେଷ କରି ଆନ୍ତର୍ଜାତିକ ଛୁଟିଦିନ,ବ୍ୟବସାୟ ଟ୍ରିପ୍ ଓ କାର୍ଯ୍ୟ ଛୁଟି ଆଦି ପାଇଁ ଉକ୍ତ କାର୍ଡ ବେଶ୍ ଉପଯୋଗୀ ହେବ ବୋଲି ବ୍ୟାଙ୍କ ପକ୍ଷରୁ କୁହାଯାଇଛି। ଭାରତରେ ବ୍ୟବହାର କରିବା ବେଳେ ଡିସିବି ଟ୍ରାଭେଲ ସ୍ମାର୍ଟ ହେଉଛି ଏକ ଡେବିଟ୍ କାର୍ଡ। ଏହା ସ୍ବତନ୍ତ୍ର ବିଦେଶୀ ମୁଦ୍ରା କିଣିବା,ବୀମା ଆବଶ୍ୟକତା ବିନା ଚିନ୍ତାମୁକ୍ତ, ଗମନାଗମନ ଏବଂ ଗ୍ରାହକମାନଙ୍କୁ ଡିସିବି ସଞ୍ଚୟ ବ୍ୟାଙ୍କ ଖାତାରେ ଥିବା ଆଲାଉନ୍ସ ଉପରେ ଆକର୍ଷଣୀୟ ସୁଧ ଭଳି ତିନି ପ୍ରକାର ସୁବିଧା ପ୍ରଦାନ କରୁଛି। ଡିସିବି ଟ୍ରାଭେଲ୍ ସ୍ମାର୍ଟ ଆନ୍ତର୍ଜାତକ ଗମନାଗମନ ଉପରେ ଗମନାଗମନ ବୀମା ସହିତ ବ୍ୟାଗ ହଜିବା, ବିମାନ ବିଳମ୍ବ ହେବା, ବ୍ୟକ୍ତିଗତ କାଗଜପତ୍ର ହଜିଯିବା ଉପରେ ବୀମା ସୁରକ୍ଷା ପ୍ରଦାନ କରୁଛି। ଦୁର୍ଘଟଣା (ସଡ଼କ, ରେଳ କିମ୍ବା ବିମାନ) ଜନିତ ମୃତ୍ୟୁ ଉପରେ ଏହା ୧,୦୦,୦୦୦ ଟଙ୍କାର ବୀମା ରାଶି ପ୍ରଦାନ କରୁଛି ଏବଂ ୨,୦୦,୦୦୦ ଟଙ୍କା ପର୍ଯ୍ୟନ୍ତ କାର୍ଡ ହଜିବା ସୁରକ୍ଷା ଦେଉଛି। ଭିସା ପକ୍ଷରୁ ନିୟମିତ ବ୍ୟବଧାନରେ ପ୍ରଦାନ କରାଯାଉଥିବା ସ୍ବତନ୍ତ୍ର ରିହାତି ଓ ଅଫରକୁ କାର୍ଡଧାରୀ ହାସଲ କରିପାରିବେ। ଡିସିବି ବ୍ୟାଙ୍କର ରିଟେଲ୍ ବ୍ୟାଙ୍କିଙ୍ଗ୍ ମୁଖ୍ୟ ପ୍ରବୀଣ କୁଟ୍ଟି କହିଛନ୍ତି, ଯାତ୍ରୀମାନେ ଆନ୍ତର୍ଜାତିକ ଅନୁଭୂତି ବିକଳ୍ପ ଚୟନ କରୁଛନ୍ତି। ଏପରିକି ଲମ୍ବା ଓ ଅଳ୍ପ ଦିନର ଛୁଟି, ଷ୍ଟେକେସନ,ବ୍ୟବସାୟ ଭ୍ରମଣ ଏବଂ ମେଡିକାଲ୍ ସୁବିଧା ପାଇଁ ଭ୍ରମଣ ବଢ଼ିବାରେ ଲାଗିଛି। ଏହା ଏକ ଉପଯୋଗୀ ଆନ୍ତର୍ଜାତିକ କାର୍ଡ ଯାହାର ସୁବିଧାକୁ ଯାତ୍ରୀମାନେ ପସନ୍ଦ କରିବେ। ଯାତ୍ରୀମାନେ କାର୍ଡକୁ ଲୋଡ୍ କରିବା, ବ୍ୟାଙ୍କ ଖାତା ସହ ଯୋଡ଼ିବା ଏବଂ ଚଢ଼ା ବିଦେଶୀ ମୁଦ୍ରା ବିନିମୟ ଫି ଏବଂ ମାର୍କ ଫି ଦେବାର ଚାପ ନେଇଥାନ୍ତି।
