ଭୁବନେଶ୍ୱର, ୨୪ା୯: ଦେଶର ପ୍ରମୁଖ ଘରୋଇ ପ୍ରଦର୍ଶନୀକାରୀ ସଂସ୍ଥା ‘ଫ୍ୟାଶନିଷ୍ଟା’ ପକ୍ଷରୁ ୨ଦିନିଆ ସ୍ବତନ୍ତ୍ର ପ୍ରଦର୍ଶନୀ ଉତ୍ସବର ଆୟୋଜନ କରାଯାଇଛି। ଶୁକ୍ରବାରଠାରୁ ସ୍ଥାନୀୟ ଜୟଦେବ ବିହାରସ୍ଥିତ ହୋଟେଲ ପାଲ୍ ହାଇଟ୍ସଠାରେ ଏହାର ଶୁଭାରମ୍ଭ ହୋଇଯାଇଛି। ଏହି ଅବସରରେ ରାଜ୍ୟ ସଭା ସଦସ୍ୟା ସୁଲତା ଦେଓ ମୁଖ୍ୟ ଅତିଥି ଭାବେ ଯୋଗଦେଇ ଏହାର ଉଦ୍ଘାଟନ କରିଥିଲେ। ଅନ୍ୟମାନଙ୍କ ମଧ୍ୟରେ ମେୟର ସୁଲୋଚନା ଦାସ, ମୋନାଲିସା ବଳ, ସନ୍ଧ୍ୟା ପଟ୍ଟନାୟକ, ଜୟଶ୍ରୀ ମହାନ୍ତି, ଶ୍ରୀମୟୀ ମିଶ୍ର, ଡ. ରୋଜାଲିନ୍ ପାଟଶାଣୀ ମିଶ୍ର, ଡ. ଚିଦ୍ମାମିକା ଖଟୁଆ, ସୁକ୍ରିତି ପଟ୍ଟନାୟକ, ପ୍ରୀତି ପଲ୍ଲବୀ ପଟ୍ଟନାୟକ, ମୁନ୍ମୁନ୍ ସିଂହ, ପ୍ରସନ୍ନା ପତି ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଉକ୍ତ ପ୍ରଦର୍ଶନୀ ସମ୍ପର୍କରେ ନିଜ ନିଜର ମତ ଉପସ୍ଥାପନ କରିଥିଲେ। ଏହି ପରିପ୍ରେକ୍ଷୀରେ ଫ୍ୟାଶନିଷ୍ଟା ପ୍ରଦର୍ଶନୀର ଏମ୍ଡି ତଥା ଅଭିନେତା ପୱନ ଶଙ୍କର ଅତିଥିମାନଙ୍କୁ ଉତ୍ତରୀୟ ପ୍ରଦାନ ସହ ସମ୍ମାନିତ କରିଥିଲେ। ଏଠାରେ ପୋଷାକ, ଅଳଙ୍କାର, ଆସେସୋରି, ବିୟୁଟି ପ୍ରଡକ୍ଟ, କସ୍ମେଟିକ୍ସ, ଫ୍ରାଗ୍ରାନ୍ସ, ମେନ୍ସୱେୟାର, ହୋମ୍ ଡେକୋର୍, ଗିଫ୍ଟ, ମେନ୍ସ ୱେୟାର ଆଦି ପ୍ରଦର୍ଶନୀ ସହ ବିକୟ ପାଇଁ ମଧ୍ୟ ଉପଲବ୍ଧ ରହିଛି। ସେହିଭଳି ମୁମ୍ବାଇ, ଦିଲ୍ଲୀ, କୋଲକାତା, ଜୟପୁର, ହିମାଚଳ, ଲକ୍ଷ୍ନୌ, ଭୋପାଳ, ବେଙ୍ଗାଲୁରୁ, ରାୟପୁର, ସୁରଟ ଓ ଭୁବନେଶ୍ୱର ଭଳି ବିବିଧ ସହରରୁ ଫ୍ୟାଶନ ଓ ଲାଇଫ୍ଷ୍ଟାଇଲ୍ ବ୍ରାଣ୍ଡଗୁଡିକ ଉକ୍ତ ସ୍ବତନ୍ତ୍ର ପ୍ରଦର୍ଶନୀରେ ସାମିଲ ହୋଇଛନ୍ତି।
ଫ୍ୟାଶନିଷ୍ଟା କିଛି ନୂତନ ଓ ପ୍ରଶଂସିତ ଉତ୍ସାହୀ ଡିଜାଇନରଙ୍କ ଏକ ସ୍ବତନ୍ତ୍ର ଗୋଷ୍ଠୀ ସୃଷ୍ଟି ସହ ଦେଶବ୍ୟାପୀ ଚୟନ କରାଯାଇଛି। ଉକ୍ତ ଡିଜାଇନରମାନେ ସେପ୍ଟେମ୍ବର ୨୩ ଓ ୨୪ ତାରିଖ (ଶୁକ୍ରବାର ଓ ଶନିବାର) ୧୧ଟାରୁ ରାତି ୯ଟା ପର୍ଯ୍ୟନ୍ତ ଭୁବନେଶ୍ୱର ହୋଟେଲ ପାଲ୍ ହାଇଟ୍ସଠାରେ ସୁଲଭ ମୂଲ୍ୟରେ ନୂଆ ଡିଜାଇନଗୁଡିକର ସର୍ବୋତ୍ତମ ଋତୁକାଳୀନ ସମ୍ମିଶ୍ରଣ ନେଇ ଆସୁଛନ୍ତି। ଏଠାରେ ପରିଦର୍ଶକଙ୍କ ପାଇଁ ସମସ୍ତ କୋଭିଡ୍ ସୁରକ୍ଷା ପାଳନ କରାଯାଉଛି। ଉଲ୍ଲେଖଯୋଗ୍ୟ, ୨୦୦୮ରୁ ଫ୍ୟାଶନପ୍ରେମୀଙ୍କୁ ସେବା ପ୍ରଦାନ କରୁଥିବା ଫ୍ୟାଶନିଷ୍ଟା ବର୍ତ୍ତମାନ ସୁଦ୍ଧା ୪୦ଟି ଭାରତୀୟ ସହରରେ ୩୬୦ରୁ ଅଧିକ ପ୍ରଦର୍ଶନୀ କରିସାରିଛି।