ନୂଆଦିଲ୍ଲୀ,୨୭।୫: ଦେଶର ପ୍ରମୁଖ ଏଲ୍ଇଡି ଲାଇଟ୍ ଉତ୍ପାଦକ ସୂର୍ୟା ରୋସ୍ନି ଲିମିଟେଡ୍ର ବହୁ ପ୍ରତୀକ୍ଷିତ ତଥା ନୂତନ ଉତ୍ପାଦ ‘ହାଇ ୱାଟେଜ୍ ବ୍ୟାଟେନ୍’ର ଶୁଭାରମ୍ଭ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଉପଭୋକ୍ତାଙ୍କ ଜୀବନକୁ ସରଳ ଓ ସ୍ବାସ୍ଥ୍ୟକର କରିବା ପାଇଁ କମ୍ପାନୀ ତା’ର ଅଭିଜ୍ଞତା, ଟେକ୍ନୋଲୋଜି ଓ ଉଦ୍ଭାବନକୁ ବ୍ୟବହାର କରିଆସୁଛି। ଏପରିକି କମ୍ପାନୀ ନିକଟରେ ମେଟାଲିକା ସିରିଜ୍ର ବଜାର ପ୍ରବେଶ କରାଇଛି। ସେହିଭଳି ବ୍ରାଣ୍ଡ୍ ପକ୍ଷରୁ ସମାଜର ପ୍ରମୁଖ ବର୍ଗର ଲୋକମାନେ ସମ୍ମୁଖୀନ ହେଉଥିବା ସମସ୍ୟାଗୁଡିକୁ ବୁଝିବା ପାଇଁ ଏକ ପ୍ରୟାସ ମଧ୍ୟ କରାଯାଇଥିଲା। କମ୍ପାନୀ ପକ୍ଷରୁ କରାଯାଇଥିବା ସର୍ବେକ୍ଷଣ ସମସ୍ତ ବୟସବର୍ଗର ଲୋକଙ୍କଠାରେ ‘ଉଜ୍ଜ୍ୱଳ ଓ ଅଧିକ ଆଲୋକ’ର ଆବଶ୍ୟକତାକୁ ଆଲୋକିତ କରିଥିଲା। ଯେଉଁମାନେ ପଢ଼ିବା କିମ୍ବା ନିଜର ଦୈନନ୍ଦିନ କାର୍ଯ୍ୟ କରିବା ପାଇଁ ଉଚ୍ଚମାନର ଓ ପର୍ଯ୍ୟାପ୍ତ କାର୍ଯ୍ୟକ୍ଷମ ଆଲୋକର ଆବଶ୍ୟକ କରୁଛନ୍ତି। ଏ ସମ୍ପର୍କରେ ସୂର୍ୟା ରୋସ୍ନି ଲିମିଟେଡ୍ର ଲାଇଟିଂ ଓ କଞ୍ଜ୍ୟୁମର ଡ୍ୟୁରାବୁଲ୍ସ ବିଭାଗର ସିଇଓ ଜିତେନ୍ଦ୍ର ଅଗ୍ରୱାଲ କହିଛନ୍ତି, ଆମେ ଏକ ପ୍ରଗତିଶୀଳ ଓ ସୁସ୍ଥ ସମାଜ ପାଇଁ ନିରନ୍ତର ପ୍ରୟାସ କରି ଆସୁଛୁ। ବିଶେଷ କରି ଆମର ସଦ୍ୟତମ ଅନୁସନ୍ଧାନ ଅନୁଯାୟୀ ସମସ୍ତ ବୟସର ଲୋକମାନେ ଠିକ୍ ଭାବେ କାର୍ଯ୍ୟ କରିବା ପାଇଁ ଉଜ୍ଜ୍ୱଳ ଓ ଅଧିକ ଆଲୋକର ଆବଶ୍ୟକ କରୁଥିବାରୁ ସୂର୍ୟା ହାଇ ୱାଟେଜ୍ ଏଲ୍ଇଡି ବ୍ୟାଟେନ୍ଗୁଡିକୁ ଶୁଭାରମ୍ଭ କରି ଆମେ ଅତ୍ୟଧିକ ଖୁସି ଅନୁଭବ କରୁଛି।