ଭୁବନେଶ୍ୱର,୧୧ା୯: କଳିଙ୍ଗ ଦେଶୀ ଆଗ୍ରୋ ଫାଉଣ୍ଡେଶନ (କେଡିଏଫ୍)ର ସହଯୋଗୀ ସଂସ୍ଥା ବ୍ଲୁ ଟୋକାଇ କଫି ରୋଷ୍ଟର୍ସ ଦ୍ୱାରା କୋରାପୁଟରୁ କଫିର ଦେଶବ୍ୟାପୀ ଖୁଚୁରା ବ୍ୟବସାୟ ଶୁଭାରମ୍ଭ କରିଛି। ଏପରିକି ବ୍ଲୁ ଟୋକାଇ କଫି ରୋଷ୍ଟର୍ସ ଭାରତର ସର୍ବବୃହତ୍ ସ୍ପେଶିଆଲିଟି କଫି ରୋଷ୍ଟର ଭାବେ ପରିଚିତ। ବର୍ଷକ ପର୍ଯ୍ୟନ୍ତ ବ୍ଲୁ ଟୋକାଇ ଦ୍ୱାରା ସମସ୍ତ କଫି କର୍ନାଟକ ଏବଂ ତାମିଲନାଡ଼ୁରେ ଅବସ୍ଥିତ ପ୍ରମୁଖ ଫାର୍ମ ଏବଂ ଇଷ୍ଟେଟରୁ ଆସିଥିଲା। କେଡିଏଫ୍ ଉଦ୍ୟମରେ ବ୍ଲୁ ଟୋକାଇ ଦଳ କୋରାପୁଟର ଏକାଧିକ ଫାର୍ମରୁ କଫିର ସ୍ବାଦ ଚାଖିବାରେ ସକ୍ଷମ ହୋଇଥିଲେ। ପ୍ରଥମଥର ପାଇଁ ପାନ୍-ଇଣ୍ଡିଆ ସ୍ତରରେ ଏହାର ଶୁଭାରମ୍ଭ ପାଇଁ କୋରାପୁଟ ଜିଲାର ଦୁଇଟି ଫାର୍ମରୁ କଫି ଚୟନ କରାଯାଇଥିଲା। ଉଲ୍ଲେଖଯୋଗ୍ୟ , ଉକ୍ତ ଦୁଇ ଚାଷୀ ମଧୁ ଆଗ୍ରୋ ପ୍ଲାଣ୍ଟେଶନ ଏବଂ ମା’ମଙ୍ଗଳା ପ୍ଲାଣ୍ଟେଶନ ବ୍ଲୁ ଟୋକାଇ ଦ୍ୱାରା ମନୋନୀତ ହୋଇଛନ୍ତି। ଏହି ପରିପ୍ରେକ୍ଷୀରେ ଇଣ୍ଡିଆନ୍ ଚାମ୍ବର ଅଫ୍ କମର୍ସ ମହିଳା ଉଦ୍ୟୋଗୀ ପରିଷଦ ଆବାହକ ସୁକୀର୍ତ୍ତି ପଟ୍ଟନାୟକ ଏବଂ ସହ ଆବାହକ ତନୟା ପଟ୍ଟନାୟକ ବ୍ୟବସାୟ ପୁରସ୍କାର ସହ ଅଂଶୀଦାରମାନଙ୍କୁ ଉସତ୍ାହିତ କରିଥିଲେ। ଅନ୍ୟମାନଙ୍କ ମଧ୍ୟରେ ଆଇସିସି ମହିଳା କାଉନସିଲର ପ୍ରମୁଖ ସଦସ୍ୟା ତଥା କେଡିଏଫ୍ର ପ୍ରତିଷ୍ଠାତା ପ୍ରୀତି ପଲ୍ଲଭୀ ପଟ୍ଟନାୟକ, ସହପ୍ରତିଷ୍ଠାତା ଅଂଶୁମାନ ରଥ, ଅନ୍ୟ ସହପ୍ରତିଷ୍ଠାତା ଲାବଣେନ୍ଦୁ ଦାସଙ୍କ ସମେତ ଆଇଏନ୍ଡବ୍ଳ୍ୟୁଇସିର ଅନ୍ୟାନ୍ୟ ପ୍ରମୁଖ ସଦସ୍ୟ ଉପସ୍ଥିତ ଥିଲେ।
