![](https://www.dharitri.com/wp-content/uploads/2024/05/Untitled-1-263.png)
ଭୁବନେଶ୍ୱର,୨୯।୫: ବେଦାନ୍ତ ଆଲୁମିନିୟମର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ସୁବିଧାଭିତ୍ତିକ ମେଡିକାଲ ସେବା ‘ମୋବାଇଲ ହେଲ୍ଥ ୟୁନିଟ୍ ବା ଏମ୍ଏମ୍ୟୁ’ର ଶୁଭାରମ୍ଭ ନିକଟରେ ହୋଇଯାଇଛି। କମ୍ପାନୀ ଏହି ସେବାକୁ ଓଡ଼ିଶାର ରାୟଗଡ଼ା ଏବଂ କଳାହାଣ୍ଡି ଜିଲାର ସିଜିମାଳି ଖଣି ପରିସର ଅଞ୍ଚଳରେ ଆରମ୍ଭ (ପ୍ରସାରିତ) କରିଛି। ବିଶେଷକରି ସ୍ଥାନୀୟ ଗୋଷ୍ଠୀର ଆବଶ୍ୟକତା ଅନୁଯାୟୀ ଏମ୍ଏଚ୍ୟୁ ଗୁଣାତ୍ମକ ସ୍ବାସ୍ଥ୍ୟ ସେବା ଯୋଗାଇବା ସହ ଗ୍ରାମାଞ୍ଚଳର ସ୍ବାସ୍ଥ୍ୟସେବା ଉପରେ ଗୁରୁତ୍ୱ ପ୍ରଦାନ କରିଛି। ଉଲ୍ଲେଖଯୋଗ୍ୟ, ସିଜିମାଳି ଖଣି ଆଖପାଖରେ ଥିବା ୪୦ ଗାଁର ୧୦,୦୦୦ରୁ ଅଧିକ ଲୋକଙ୍କ ପାଖରେ କମ୍ପାନୀର ଏହି ଏମ୍ଏଚ୍ୟୁ ସେବା ପହଞ୍ଚତ୍ଛି। ଏପରିକି ବେଦାନ୍ତର ଏମ୍ଏଚ୍ୟୁ ସେବା ରାଜ୍ୟର ୧୦୦ରୁ ଅଧିକ ଗାଁରେ ପହଞ୍ଚତ୍ବା ସହ ୨ଲକ୍ଷ ଲୋକଙ୍କୁ ଆବଶ୍ୟକ ସ୍ବାସ୍ଥ୍ୟସେବା ଯୋଗାଇ ଦେଇଛି। ମୋବାଇଲ ହେଲ୍ଥ ୟୁନିଟ୍ ହେଉଛି, ଏକ ବିଶେଷ ଭ୍ୟାନ୍। ଏଥିରେ ଗୁରୁତ୍ୱପୂର୍ଣ୍ଣ ଡାକ୍ତରୀ ଚିକିତ୍ସା ଉପକରଣ ଏବଂ ଔଷଧ ସହ ମେଡିକାଲ କର୍ମଚାରୀଙ୍କ ସହିତ ଜଣେ ଡାକ୍ତର, ନର୍ସ, ଲାବ୍ ଟେକ୍ନିସିଆନ ଓ ଫାର୍ମାସି ରହିଥାନ୍ତି। ଏ ସମ୍ପର୍କରେ ଥୁଆମୂଳା ରାମପୁର ଗ୍ରାମର ମେଡିକାଲ ଅଧିକାରୀ ନୀତୀଶ ଝା କହିଛନ୍ତି, ଦୁର୍ଗମ ଅଞ୍ଚଳରେ ଗୋଷ୍ଠୀର ବିକାଶ ଲାଗି ବେଦାନ୍ତର ଏହି ପଦକ୍ଷେପକୁ ମୁଁ ପ୍ରଶଂସା କରୁଛି। ବିଶେଷକରି ଲୋକମାନଙ୍କ ସ୍ବାସ୍ଥ୍ୟସେବା ଆବଶ୍ୟକତାକୁ ପୂରଣକରି କମ୍ପାନୀ ଭବିଷ୍ୟତ ସୃଷ୍ଟି କରିବା ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛି, ଯଦ୍ଦ୍ବାରା ପ୍ରତ୍ୟେକ ବ୍ୟକ୍ତିଙ୍କ ସ୍ବାସ୍ଥ୍ୟ ଆବଶ୍ୟକତା ପୂରଣ ହୋଇପାରିବ।