ନ୍ୟୁୟର୍କ,୨୪ା୯: ଜାତିସଂଘର ସୁରକ୍ଷା ପରିଷଦ (ୟୁଏନ୍ଏସ୍ସି) ବୈଠକ ଗୁରୁବାର ଚାଲିଥିବାବେଳେ ରୁଷିଆ ବହିର୍ବ୍ୟାପାର ମନ୍ତ୍ରୀ ସର୍ଗେଇ ଲାଭ୍ରୋଭ୍ ଉଠି ଚାଲିଯାଇଥିଲେ। ୟୁକ୍ରେନ୍ ଆକ୍ରମଣକୁ ଆମେରିକା ସମେତ ଅନ୍ୟ ଦେଶଗୁଡ଼ିକ କଡ଼ାଭାଷାରେ ନିନ୍ଦା କରିଥିବାରୁ ସେ ଏହି ଗୁରୁତ୍ୱପୂର୍ଣ୍ଣ ବୈଠକରେ ଯୋଗଦେଇ ନ ଥିବା କୁହାଯାଉଛି। ବୈଠକରେ ଉପସ୍ଥିତ ଥିବା ଆମେରିକା ପରରାଷ୍ଟ୍ର ସଚିବ ଆଣ୍ଟୋନି ବ୍ଲିଙ୍କେନ୍ ଅନ୍ୟ କୂଟନୀତିଜ୍ଞମାନଙ୍କୁ ରୁଷିଆ ବିରୋଧରେ ସତର୍କ କରାଇ କହିଥିଲେ, ରାଷ୍ଟ୍ରପତି ପୁଟିନ୍ଙ୍କୁ ଆମେ ଏମିତି ଛାଡ଼ିଦେବା ଅନୁଚିତ ହେବ। କାରଣ ସେ ଚଳାଇଥିବା ଯୁଦ୍ଧ ଜାତିସଂଘ ଦ୍ୱାରା ପ୍ରତିଷ୍ଠିତ ସମସ୍ତ ଅନ୍ତର୍ଜାତୀୟ ସଂସ୍ଥାର ନିୟମଗୁଡ଼ିକୁ ଉଲ୍ଲଂଘନ କରୁଛି। ବ୍ଲିଙ୍କେନ୍ଙ୍କ ଏହି ମନ୍ତବ୍ୟ ପରେ ରୁଷିଆ ବହିର୍ବ୍ୟାପାର ମନ୍ତ୍ରୀ ଲାଭ୍ରୋଭ୍ ନିଜ ଚାମ୍ବରରୁ ଉଠି ପଳାଇଥିଲେ।