କୋଲକାତା,୫ ।୧୦: ବିବାହ ପାଇଁ ଏବେ ବିଭିନ୍ନ ପ୍ରକାର ମ୍ୟାଟ୍ରିମୋନିଆଲ ସାଇଟରେ ଖୋଜା ଚାଲିଛି ବରକନ୍ୟା । ଏଥିରେ ସାଧାରଣତଃ ଅନେକ ଲୋକ ସୁନ୍ଦର, ଗୋରା ଓ ପତଳା ଝିଅ ଖୋଜୁଥିବା ଲକ୍ଷ୍ୟ କରାଯାଇଛି । ହେଲେ ନିକଟରେ ଏମିତି ଏକ ବିଜ୍ଞାପନ ଆସିଛି ଯେଉଁଥିରେ ଥିବା ସର୍ତ୍ତକୁ ଦେଖି ଯେ କେହି ଆଶ୍ଚର୍ଯ୍ୟ ହୋଇ ଯାଇଛନ୍ତି । ପଶ୍ଚିମବଙ୍ଗର ୩୭ ବର୍ଷୀୟ ଜଣେ ଓକିଲ ତାଙ୍କ ପାଇଁ ଝିଅ ଖୋଜୁଥିବା ବେଳେ ଏକ ବିଜ୍ଞାପନ ଦେଇଥିଲେ । ଏହି ବିଜ୍ଞାପନକୁ ଏବେ ଆଇଏଏସ୍ ନିତିନ ସାଙ୍ଗୱାନ ସୋସିଆଲ ମିଡିଆ ଟୁଇଟରରେ ଶେୟାର୍ କରିଛନ୍ତି । ଓକିଲ ଜଣକ ନିଜ ସମ୍ପର୍କରେ ସମସ୍ତ ବିବରଣି ଦେବା ସହ ଲେଖିଛନ୍ତି ସେ ବିନା କୌଣସି ଡିମାଣ୍ଡରେ ବିବାହ କରିବେ । ହେଲେ କନ୍ୟା ସୁନ୍ଦର, ଡେଙ୍ଗା ଓ ପତଳା ହେବା ସହ ସୋସିଆଲ ମିଡିଆ ବ୍ୟବହାର କରୁ ନ ଥିବେ । ଏହି ବିଜ୍ଞାପନ ଦେଖିବା ପରେ ସମସ୍ତେ ଟିକେ ଭ୍ରୁକୁଞ୍ଚନ କରିଛନ୍ତି । କେହି କେହି କହିଛନ୍ତି ଆଜିକାଲି ସେମିତି କନ୍ୟା ମିଳିବା ମୁସ୍କିଲ । କାରଣ ଏବେ ପ୍ରାୟ ସମସ୍ତଙ୍କର ଅତିକମରେ ଫେସବୁକ, ଟୁଇଟର ଓ ଇନଷ୍ଟାଗ୍ରାମରେ ନିହାତି ଗୋଟିଏ ଆକାଉଣ୍ଟ ରହିଛି ।