ରାମାନନ୍ଦ ସାଗରଙ୍କ ରାମାୟଣ ଧାରାବାହିକ ପୁନଃ ପ୍ରସାରଣ ପରଠାରୁ ଏହି ସିରିଏଲର କଳାକାରଙ୍କ ମଧ୍ୟ ଲୋକପ୍ରିୟତା ବଢ଼ିଛି। ଧାରାବାହିକରେ ଅଭିନୟ କରିଥିବା ଅରୁଣ ଗୋବିଲ, ଦୀପିକା ଚିଖାଲିଆ ଏବଂ ସୁନୀଲ ଲୋହରି ସୋସିଆଲ ମିଡିଆରେ ବହୁତ ସକ୍ରିୟ ଅଛନ୍ତି। ଏହି ୩ କଳାକାର ପ୍ରଶଂସକଙ୍କ ସହ ଯୋଗାଯୋଗ ଜାରି ରଖିଛନ୍ତି। ଏହି ସମୟରେ ସୁନୀଲ ଲାହିରି ତାଙ୍କର ଏକ ନୂଆ ଫଟୋ ଶେୟାର କରିଛନ୍ତି। ଯାହା ସମସ୍ତଙ୍କୁ ଚକିତ କରିଦେଇଛି।
ଏହି ସିରିଏଲରେ ସୁନୀଲ ଲକ୍ଷ୍ମଣ ଭୂମିକାରେ ଅଭିନୟ କରିଥିଲେ। ସେ ପ୍ରଶଂସକମାନଙ୍କୁ ସିରିଏଲ ସହିତ ଜଡ଼ିତ ଅନେକ ମଜାଦାର କାହାଣୀ ବର୍ଣ୍ଣନା କରିଥାନ୍ତି। ବର୍ତ୍ତମାନ ସୁନୀଲ ତାଙ୍କ ନୂଆ ଫଟୋ ଶେୟାର କରିଛନ୍ତି। ଏଥିରେ ସୁନୀଲଙ୍କୁ ନିଶରେ ଚିହ୍ନିବା କଷ୍ଟକର ହେଉଛି।
ଫଟୋ ସହିତ ସୁନୀଲ କ୍ୟାପଶନରେ ଲେଖିଛନ୍ତି ‘ପୋଷାକ ତୁମର ବ୍ୟକ୍ତିତ୍ୱକୁ ଭିନ୍ନ କରିଥାଏ, ସମାନ ବ୍ୟକ୍ତି ମାତ୍ର ଭିନ୍ନ ରୂପ’ । ସୁନୀଲଙ୍କ ପୋଷ୍ଟରେ ଜଣେ ବ୍ୟବହାରକାରୀ ଲେଖିଛନ୍ତି, ‘ଫଟୋ ଦେଖି ଚାନ୍ଦବି ଲାଜେଇ ଯିବ ସାର୍ ଜି’। ସେହିଭଳି ଅନ୍ୟ ଜଣେ ଲେଖିଛନ୍ତି, ‘ନମସ୍ତେ ସାର୍, ତୁମର ଲୁକ ସମ୍ପୂର୍ଣ୍ଣ ଅଲଗା’।
୨୦୧୯ ଏକ ପୁରୁଣା ଫଟୋ ମଧ୍ୟ ସୁନୀଲ ଶେୟାର କରିଛନ୍ତି। ଫଟୋରେ ସେ ତାଙ୍କ ଅଫିସରେ ବସିଥିବା ନଜର ଆସିଛନ୍ତି।