ସ୍ବାସ୍ଥ୍ୟ ମନ୍ତ୍ରଣାଳୟଠାରୁ ଶିକ୍ଷାଲାଭ କରନ୍ତୁ ଅନ୍ୟ ମନ୍ତ୍ରଣାଳୟ, ଆପଣାନ୍ତୁ ରିୟଲ ଟାଇମ୍ ମନିଟରିଂ ଡ୍ୟାଶବୋର୍ଡ: ସ୍ବାସ୍ଥ୍ୟମନ୍ତ୍ରୀ…
01 ନୂଆଦିଲ୍ଲୀ, ୧୧।୯ : ସରକାରୀ ଯୋଜନା ଏବଂ ମନ୍ତ୍ରଣାଳୟର କାର୍ଯ୍ୟକାରିତା ଉପରେ ନଜର ରଖିବା ପାଇଁ ଅନ୍ୟ ମନ୍ତ୍ରଣାଳୟଗୁଡ଼ିକ ବର୍ତ୍ତମାନ ସ୍ବାସ୍ଥ୍ୟ ମନ୍ତ୍ରଣାଳୟର ଲାଇନରେ ଡ୍ୟାଶବୋର୍ଡ ଗ୍ରହଣ କରିବାକୁ ଯୋଜନା କରୁଛନ୍ତି। ଏହି ରିୟଲ ଟାଇମ ମନିଟରିଂ ଡ୍ୟାଶବୋର୍ଡ ପ୍ରଥମେ ସ୍ବାସ୍ଥ୍ୟ ମନ୍ତ୍ରଣାଳୟ ଦ୍ୱାରା ପ୍ରବର୍ତ୍ତିତ ହୋଇଥିଲା, ଯାହା ମାଧ୍ୟମରେ ବିଭାଗର କାର୍ଯ୍ୟକାରିତାକୁ ସ୍ବଚ୍ଛତା, ଉତ୍ତରଦାୟିତ୍ୱ ଏବଂ ଉନ୍ନତ ଶାସନ ପ୍ରଦାନ କରାଯାଇପାରିଥିଲା।
ସେପ୍ଟେମ୍ବର ୨୦୨୧ ରେ ଆରମ୍ଭ ହୋଇଥିବା ଏହି ରିୟଲ ଟାଇମ୍ ମନିଟରିଂ ଡ୍ୟାଶବୋର୍ଡ ସ୍ବାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡବ୍ୟଙ୍କ ମୁଣ୍ଡକୁ ଜୁଟିଥିଲା। ଏହା ମାଧ୍ୟମରେ ସେ ସରକାରୀ ଯୋଜନା, ଭିତ୍ତିଭୂମି ପ୍ରକଳ୍ପ, ସଂସଦୀୟ ବ୍ୟାପାର, ଚିଠି, ଫାଇଲର ପେଣ୍ଡେନ୍ସି, ମନ୍ତ୍ରଣାଳୟ ସହ ଜଡିତ ତଥ୍ୟର ରିୟଲ ଟାଇମ୍ ମନିଟରିଂ କରିଥାନ୍ତି।
ଡ୍ୟାଶବୋର୍ଡ ମାଧ୍ୟମରେ ମନ୍ତ୍ରଣାଳୟର କାର୍ଯ୍ୟ ଆବଣ୍ଟନ କରୁଥିବାବେଳେ ସମ୍ପୃକ୍ତ ଅଧିକାରୀଙ୍କୁ ମଧ୍ୟ ଅଭିଯୋଗକୁ ମଧ୍ୟ ସମ୍ପୃକ୍ତ ଅଧିକାରୀଙ୍କ ସହିତ ଟ୍ୟାଗ୍ କରାଯାଇଥାଏ। ସୂତ୍ରରୁ ପ୍ରକାଶ ଯେ ଅଭିଯୋଗର ବିଶ୍ଳେଷଣ ମଧ୍ୟ ନୀତିଗତ ନିଷ୍ପତ୍ତି ନେବାରେ ମନ୍ତ୍ରଣାଳୟକୁ ସାହାଯ୍ୟ କରିଥାଏ। ଏହାର ସାହାଯ୍ୟରେ ଅଧିକାରୀମାନେ ଆସୁଥିବା ବିଲକୁ ମଧ୍ୟ ଟ୍ରାକ କରି ପାରିଥାନ୍ତି।
ଡ୍ୟାଶବୋର୍ଡର ମୁଖ୍ୟ ବୈଶିଷ୍ଟ୍ୟ ହେଉଛି ଏଥିରେ ସମସ୍ତ ୧୫ ମଡ୍ୟୁଲର ତଥ୍ୟକୁ ଏକୀକୃତ କରାଯାଇଛି ଏବଂ ସ୍ବାସ୍ଥ୍ୟ ମନ୍ତ୍ରଣାଳୟର ଅଧୀନରେ ଥିବା ବିଭିନ୍ନ ଯୋଜନା, କାର୍ଯ୍ୟକ୍ରମ ଏବଂ ଅନୁଷ୍ଠାନ ସହିତ ସଂଯୁକ୍ତ ହୋଇଛି, ଯାହା ୩୬୦ ଡିଗ୍ରୀ ମନିଟରିଂ କରିବାକୁ ସକ୍ଷମ।