କେବଳ ନୀତୀଶ- ନାଇଡୁ ନୁହନ୍ତି, ଏନ୍‌ଡିଏ ସରକାରଙ୍କ ଭାଗ୍ୟ ବଦଳାଇ ଦେଇପାରନ୍ତି  ଏହି ୧୭ ଏମ୍‌ପି

ନୂଆଦିଲ୍ଲୀ,୫।୬: ଲୋକସଭା ନିର୍ବାଚନ-୨୦୨୪ର ଫଳାଫଳ ଘୋଷଣା ହୋଇଛି। ଏଥିରେ କୌଣସି ଦଳ ସଂଖ୍ୟାଗରିଷ୍ଠତା ହାସଲ କରିନାହାନ୍ତି। ତେବେ ଭାଜପା ନେତୃତ୍ୱାଧୀନ ଏନଡିଏ ମେଣ୍ଟକୁ ୨୯୨ ଆସନ ମିଳିଛି। ଏଥି ସହିତ ଇଣ୍ଡିଆ ମେଣ୍ଟକୁ ୨୩୪ ଆସନ ମିଳିଛି। ଏଭଳି ପରିସ୍ଥିତିରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁଙ୍କ ଉପରେ ଏବେ ସମସ୍ତଙ୍କ ନଜର ରହିଛି। ଜେଡିୟୁକୁ ୧୨ ଏବଂ ଟିଡିପି ୧୬ ସିଟ ପାଇଛି। ମିଳିତ ଭାବେ ସମୁଦାୟ ୨୮ ଟି ସିଟ ଅଛି, ଯାହା ସାମ୍ପ୍ରତିକ ପରିସ୍ଥିତିରେ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ହୋଇଛି।

କେବଳ ଏହି ଦୁଇ ଦଳର ଆଗାମୀ ପଦକ୍ଷେପ ଉପରେ ନୁହେଁ, ବରଂ ସ୍ବାଧୀନ ଏମ୍‌ପି ତଥା ଦଳ ଉପରେ ମଧ୍ୟ ଧ୍ୟାନ ଦିଆଯାଉଛି, ଯେଉଁମାନେ ଏନ୍‌ଡିଏ କିମ୍ବା ଇଣ୍ଡିଆ ଆଲାଇନ୍ସର ଅଂଶ ନୁହନ୍ତି। କାରଣ ଏଭଳି ଏମ୍‌ପିଙ୍କ ସଂଖ୍ୟା ୧୭। ଏହି ଏମ୍‌ପିମାନେ ମଧ୍ୟ ସରକାରଙ୍କ ଭବିଷ୍ୟତ ନିର୍ଦ୍ଧାରଣ କରିପାରିବେ।

୧୭ ଏମ୍‌ପି କିଏ?

ଏହି ୧୭ ଜଣ ଏମ୍‌ପିଙ୍କ ମଧ୍ୟରେ ଏଆଇଏମ୍‌ଆଇଏମ୍‌ର ଓୱାଇସି, ବିହାରର ପୁର୍ନିଆରୁ ଜିତିଥିବା ପପୁ ଯାଦବ, ୟୁପିରେ ନାଗିନାରୁ ଜିତିଥିବା ଚନ୍ଦ୍ରଶେଖର ଆଜାଦ, ପଞ୍ଜାବର ଫରିଦକୋଟରୁ ଜିତିଥିବା ସାବରଜିତ ସିଂ ଖାଲସା, ଖଦୁର ସାହେବ, ଦାମନ ଏବଂ ଡିୟୁରୁ ଜିତିଥିବା ଅମୃତପାଲ ସିଂ ଅନ୍ତର୍ଭୁକ୍ତ , ସାଙ୍ଗଲିରୁ ନିର୍ବାଚନରେ ଜିତିଥିବା ବିଶାଲ ପାଟିଲ, ବାରାମୁଲ୍ଲାଠାରୁ ଜିତିଥିବା ଇଞ୍ଜିନିୟର ରସିଦ ପ୍ରମୁଖ ରହିଛନ୍ତି।

୧- ପପୁ ଯାଦବ -ସ୍ବାଧୀନ

୨- ଓୱାଇସି AIMIM

– ଚନ୍ଦ୍ରଶେଖର ଆଜାଦ-ଆଜାଦ ସମାଜ ପାର୍ଟି

୪- ସାବରଜିତ ସିଂ ଖାଲସା-ସ୍ବାଧୀନ

୫- ଅମୃତପାଲ ସିଂ-ସ୍ବାଧୀନ

୬-ବିଶାଲ ପାଟିଲ-ସ୍ବାଧୀନ

୭- ଇଞ୍ଜିନିୟର ରସିଦ-ସ୍ବାଧୀନ

– ପଟେଲ ଉମେଶଭାଇ-ସ୍ବାଧୀନ

୯- ମହମ୍ମଦ ହନିଫା -ସ୍ବାଧୀନ

୧୦-ରିକି ଆଣ୍ଡ୍ରୁ-ପିପୁଲ୍ସ ପାର୍ଟୀ

୧୧-ରିଚାର୍ଡ ୱାନଲାଲହାମଙ୍ଗିହା- ଜୋରାମ ପିପୁଲ୍ସ ମୁଭମେଣ୍ଟ

୧୨-ହର୍‌ସିମରତ କୌର ବାଦଲ-ଶିରୋମଣି ଅକାଳୀ ଦଳ

୧୩-ପେଡିରେଡି ଭେଙ୍କଟା ମିଧୁୁନ ରେଡ୍ଡୀ-YSRCP

୧୪-ଅବିନାଶ ରେଡ୍ଡୀ-YSRCP

୧୫-ଥାନୁଜ ରାନୀ-YSRCP

୧୬-ଗୁରୁମୂର୍ତ୍ତି ମାଡିଲା- YSRCP

୧୭-ଜୋୟନ୍ତା ବେସୁମେଟାରୀ -UPPL

ବର୍ତ୍ତମାନ ସମୟରେ କେନ୍ଦ୍ରରେ ଏନ୍‌ଡିଏ ସରକାର ହେବାକୁ ଯାଉଥିବା ସ୍ପଷ୍ଟ ହୋଇଥିଲେ ହେଁ ଭାଜପାର ୨୭୨ ଆସନ ନ ଥିବାରୁ ‘ଇଣ୍ଡିଆ ’ମେଣ୍ଟ ମଧ୍ୟ ସରକାର ଗଠନ କରିବା ଦିଗରେ ମନ୍ଥନ କରୁଛି। ‘ଇଣ୍ଡିଆ’ ମେଣ୍ଟର ମୋଟ ୨୩୪ ଆସନ ରହିଛି। ଏହାକୁ ମ୍ୟାଜିକ ନମ୍ବର ୨୭୨ ପାଇବାକୁ ହେଲେ ୩୮ ଅନ୍ୟ ଏମ୍‌ପିଙ୍କ ଆବଶ୍ୟକତା ରହିଛି। ନୀତୀଶ ଏବଂ ନାୟଡୁଙ୍କ ୨୮ ଏମ୍‌ପି ଅଛନ୍ତି। ଯଦି ସେମାନେ ‘ଇଣ୍ଡିଆ’ ମେଣ୍ଟକୁ ଆସନ୍ତି ତେବେ ମୋଟ ସଂଖ୍ୟା ୨୬୨ ହେବ। ଏହାକୁ ଆଉ ୧୦ ଏମ୍‌ପିଙ୍କ ଆବଶ୍ୟକତା ପଡ଼ିବ। ସେ ସମୟରେ ନିର୍ଦ୍ଦଳୀୟ ତଥା ସ୍ବାଧୀନ ଏମ୍‌ପିମାନେ କାମରେ ଆସିବେ। ଫଳରେ ସଂଖ୍ୟା ୨୭୧ରେ ପହଞ୍ଚିଯିବ ବୋଲି କୁହାଯାଉଛି।