ଛତ୍ରପୁର,୧୭।୧୦(ସନ୍ତୋଷ ପାଢ଼ୀ/ଦିଲ୍ଲୀପ ସାମଲ): ଗଞ୍ଜାମ ଜିଲା ଚମାଖଣ୍ଡି ଥାନା ଅନ୍ତର୍ଗତ ଜଗନ୍ନାଥପୁର ରେଲୱେ ଗେଟ ନିକଟରୁ ଗୋରୁ ବୋଝେଇ ପିକ୍ଅପ୍ ଭ୍ୟାନ ଜବତ ହୋଇଛି । ଏଥିରୁ ୧୧ରୁ ଊଦ୍ଧର୍ବ ଗାଈ ଉଦ୍ଧାର କରାଯାଇଛି । ଅପରପକ୍ଷରେ ଡ୍ରାଇଭର ଦୌଡ଼ିକି ଫେରାର ହୋଇଯାଇଛନ୍ତି । ସୋମବାର ମଧ୍ୟରାତ୍ର ସମୟରେ ଜାତୀୟ ରାଜପଥ ଦେଇ ଆନ୍ଧ୍ରପ୍ରଦେଶ ଅଭିମୁଖେ ଯାଉଥିବା ଦୁଇଟି ଗୋରୁ ବୋଝେଇ ପିକ୍ଅପ ଭ୍ୟାନକୁ ଗୁରୁଣ୍ଡି ଗ୍ରାମର କିଛି ଯୁବକ ପିଛା କରିଥିଲେ। ଗୋଟିଏ ପିକଅପ ଭ୍ୟାନ ଚମ୍ପଟ ମାରିଥିବା ବେଳେ ଟ୍ରେନ ଗେଟ୍ ପଡିଯିବା ଫଳରେ ଅନ୍ୟ ଏକ ଗାଡ଼ିକୁ ଯୁବକମାନେ କାବୁ କରିନେଇଥିଲେ। ଘଟଣାସ୍ଥଳରେ ଚମାଖଣ୍ଡି ଥାନା ପୋଲିସ ପହଞ୍ଚି ଗାଡି ଜବତ କରିଛି । ଗାଡିଟି ଖୋର୍ଦ୍ଧାରୁ ଆନ୍ଧ୍ରପ୍ରଦେଶ ଅଭିମୁଖେ ଯାଉଥିବା ସୂଚନା ମିଳିଛି।