ଚେନ୍ନାଇ,୨୩।୧୧ : ତାମିଲନାଡୁ ବିଧାନସଭା ବାଚସ୍ପତି ଏମ ଆପାଭୁ ବିରୋଧୀ ଏଆଇଏଡିଏମେକେ ବିଧାୟକମାନେ ରାଜ୍ୟରେ ଶାସକ ଡିଏମକେରେ ଯୋଗଦେବା ନେଇ ଦେଇଥିବା ମନ୍ତବ୍ୟକୁ ନେଇ ବିବାଦ ସୃଷ୍ଟି ହୋଇଛି। ମନ୍ତବ୍ୟ ପରେ ଏଆଇଏଡିଏମେକେ ତାଙ୍କୁ ଏକ ଆଇନଗତ ନୋଟିସ ପଠାଇ ତାଙ୍କୁ ସର୍ବସାଧାରଣରେ କ୍ଷମା ମାଗିବାକୁ କହିଛି। ଏଆଇଏଡିଏମେକେ ଆଇନ ଶାଖାର ଯୁଗ୍ମ ସଚିବ ତଥା ଦଳର ମୁଖପାତ୍ର ଆରଏମ ବାବୁ ମୁରୁଗାଭେଲ ଏହି ବିଜ୍ଞପ୍ତି ଜାରି କରିଛନ୍ତି ଯେଉଁଥିରେ ଦଳ ଏଆଇଏଡିଏମେକେ ଏବଂ ଏହାର ବିଧାୟକଙ୍କ ବିରୋଧରେ ଅପମାନଜନକ ମନ୍ତବ୍ୟ ଦିଆଯାଇଥିବାର ସେ ଅଭିଯୋଗ କରିଛନ୍ତି।
ବିଜ୍ଞପ୍ତିରେ ଏଆଇଏଡିଏମକେ କହିଛି ଚେନ୍ନାଇରେ ଏକ ଇଭେଣ୍ଟ ସମୟରେ ଆପାଭୁ ଏକ ଭିତ୍ତିହୀନ ଅଭିଯୋଗ କରିଥିଲେ ଯେ ପୂର୍ବତନ ମୁଖ୍ୟମନ୍ତ୍ରୀ ଜେ ଜୟଲଳିତାଙ୍କ ଦେହାନ୍ତ ପରେ ରାଜନୈତିକ ଅସ୍ଥିରତା ସମୟରେ ୪୦ ଜଣ ଏଆଇଏଡିଏମକେ ବିଧାୟକ ଡିଏମକେରେ ଯୋଗଦେବାକୁ ପ୍ରସ୍ତୁତ ଥିଲେ। ବିଜ୍ଞପ୍ତିରେ ଦାବି କରାଯାଇଛି ଆପାଭୁ ନୋଟିସ ଗ୍ରହଣ କରିବାର ୪୮ ଘଣ୍ଟା ମଧ୍ୟରେ ଖବରଦାତାଙ୍କୁ ଡକାଇ ତାଙ୍କର ଅପମାନଜନକ ବିବୃତ୍ତି ପାଇଁ କ୍ଷମା ମାଗନ୍ତୁ ଏବଂ ୧୦ କୋଟି ଟଙ୍କା କ୍ଷତିପୂରଣ ଦିଅନ୍ତୁ। ଏହି ବିଜ୍ଞପ୍ତିରେ ଦର୍ଶାଯାଇଛି ବାଚସ୍ପତି ବିରୋଧରେ ସିଭିଲ ଏବଂ ଅପରାଧିକ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
ଆଇନଗତ ବିଜ୍ଞପ୍ତିରେ କୁହାଯାଇଛି ଯେ ଆପାଭୁଙ୍କ ମନ୍ତବ୍ୟ ଏକ ରାଜନୈତିକ ଦଳ ଭାବରେ ଏଆଇଏଡିଏମକେର ପ୍ରତିଷ୍ଠା ତଥା ପାଇଁ ଅପୂରଣୀୟ କ୍ଷତି ଘଟାଇଛି ଏବଂ ରାଜ୍ୟରେ ଏଆଇଏଡିଏମକେ ସଦସ୍ୟଙ୍କ ଆତ୍ମବିଶ୍ୱାସକୁ କ୍ଷୁର୍ଣ୍ଣ କରିଛି।