ନୂଆଦିଲ୍ଲୀ,୧୨।୧: : ଭାରତର ପ୍ରଧାନ ବିଚାରପତି ଡି.ଓ୍ବାଇ ଚନ୍ଦ୍ରଚୂଡ଼ ଆଇନ ବୃତ୍ତିରେ ମହିଳାଙ୍କ ଅବଦାନ ବିଷୟରେ ଅନେକ କଥା କହିଛନ୍ତି। ଆଇନ ବୃତ୍ତି ସାମନ୍ତବାଦୀରେ ପରିଣତ ହୋଇଛି ଏବଂ ମହିଳାମାନେ ଏଠାରେ ସ୍ବାଗତଯୋଗ୍ୟ ନୁହଁନ୍ତି ବୋଲି ସେ କହିଛନ୍ତି। ହାର୍ଭାର୍ଡ ଲ ସ୍କୁଲର ଗ୍ଲୋବାଲ ଲିଡରଶିପ ପୁରସ୍କାର ବିତରଣ ଉତ୍ସବରେ ସେ ଏହା କହିଛନ୍ତି। ସିଜେଆଇ ଚନ୍ଦ୍ରଚୂଡ଼ଙ୍କୁ ମଧ୍ୟ ଏହି ସମ୍ମାନରେ ସମ୍ମାନିତ କରାଯାଇଛି। ତାଙ୍କୁ ଫୋରେନସିକ ସାଇନ୍ସରେ ଡକ୍ଟରେଟ ସମ୍ମାନ ପ୍ରଦାନ କରାଯାଇଛି।
ଦୁର୍ଭାଗ୍ୟବଶତଃ ଆଇନ ବୃତ୍ତି ସାମନ୍ତବାଦୀପୂର୍ଣ୍ଣ ଏବଂ ମହିଳା ତଥା ଦଳିତ ସମ୍ପ୍ରଦାୟକୁ ଏହା ସ୍ବାଗତ କରୁନାହିଁ ବୋଲି ଆଇନ ବିଦ୍ୟାଳୟର ନିର୍ଦ୍ଦେଶକ ଡେଭିଡ ବି ୱିଲକିନ୍ସଙ୍କ ସହ କଥାବାର୍ତ୍ତା ସମୟରେ ସିଜେଆଇ କହିଛନ୍ତି। ସୁପ୍ରିମକୋର୍ଟରେ ମହିଳା ବିଚାରପତିଙ୍କ ସଂଖ୍ୟା କମ କାହିଁକି ବୋଲି ତାଙ୍କୁ ପଚରାଯାଇଥିଲା। ମହିଳା ବିଚାରପତିଙ୍କ ସଂଖ୍ୟା ତିନି ଦଶନ୍ଧି ପୂର୍ବରୁ ଯାହାଥିଲା ସେପରି ଥିବା ପ୍ରଶ୍ନର ଉତ୍ତରରେ ସେ ଏଭଳି କହିଛନ୍ତି। ଆଇନ କ୍ଷେତ୍ରରେ ପରିବର୍ତ୍ତନ ଉପରେ ସେ କହିଛନ୍ତି ଯେ ଭବିଷ୍ୟତରେ ପରିବର୍ତ୍ତନ ଆଣିବାକୁ ହେଲେ ଆଇନ ଶିକ୍ଷା ପ୍ରଦାନ କରୁଥିବା ସଂସ୍ଥାଗୁଡ଼ିକୁ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବାକୁ ପଡ଼ିବ। ଆଇନ ଶିକ୍ଷାକୁ ଲୋକତାନ୍ତ୍ରିକରଣ କରିବାକୁ ପଡିବ।
