ନୂଆଦିଲ୍ଲୀ,୭।୧୨: କିମ୍ବଦନ୍ତୀ ଲିଗ କ୍ରିକେଟ ଟୁର୍ନାମେଣ୍ଟର ଏଲିମିଟର ମ୍ୟାଚରେ ଇଣ୍ଡିଆ କ୍ୟାପିଟାଲ ୧୨ ରନ୍ରେ ଗୁଜରାଟ ଜିଆଣ୍ଟସ ଦଳକୁ ପରାସ୍ତ କରିଛି॥ ପ୍ରଥମେ ବ୍ୟାଟିଂ କରିବାକୁ ଆସିଥିବା ଇଣ୍ଡିଆ କ୍ୟାପିଟାଲ୍ସର ଏକ ଭଲ ଆରମ୍ଭ ହୋଇଥିଲା। ପ୍ରଥମ ଉଇକେଟ ପାଇଁ ଇଣ୍ଡିଆ କ୍ୟାପିଟାଲ ଓପନର୍ ଗୌତମ ଗମ୍ଭୀର ଏବଂ କିର୍କ ଏଡୱାର୍ଡସ ୬.୩ ଓଭରରେ ୬୫ ରନ ସଂଗ୍ରହ କରିଥିଲେ।
ବିଶେଷକରି ଗୌତମ ଗମ୍ଭୀର ଆକ୍ରମଣାତ୍ମକ ବ୍ୟାଟିଂ ପ୍ରଦର୍ଶନ କରିଥିଲେ। ଗୌତମ ଗମ୍ଭୀର କେବଳ ୩୦ ବଲରେ ୫୧ ରନ୍ର ବିସ୍ଫୋରକ ଇନିଂସ ଖେଳିଥିଲେ। ସେ ନିଜ ଇନିଂସରେ ୭ ଚୌକା ଓ ଗୋଟିଏ ଛକା ମାରିଥିଲେ। ତେବେ ଏହି ଇନିଂସ ପରେ ଗୌତମ ଗମ୍ଭୀର ସୋସିଆଲ ମିଡିଆରେ କ୍ରମାଗତ ଭାବରେ ଟ୍ରେଣ୍ଡ କରୁଛନ୍ତି।
ଟସ ହାରିବା ପରେ ପ୍ରଥମେ ବ୍ୟାଟିଂ କରିବାକୁ ଆସିଥିବା ଇଣ୍ଡିଆ କ୍ୟାପିଟାଲ୍ସ ଭଲ ଆରମ୍ଭ କରିଥିଲା। ଗୌତମ ଗମ୍ଭୀରଙ୍କ ବ୍ୟତୀତ କେଭିନ ପିଟରସେନ, କିର୍କ ଏଡୱାର୍ଡସ ଏବଂ ବେନ ଡଙ୍କ ଭଳି ବ୍ୟାଟ୍ସମ୍ୟାନମାନେ ଉପଯୋଗୀ ଯୋଗଦାନ ଦେଇଥିଲେ। ଇଣ୍ଡିଆ କ୍ୟାପିଟାଲର ୨୦ ଓଭରରେ ୭ ଉଇକେଟ୍ ହରାଇ ୨୨୩ ରନ୍ କରିଥିଲା। ଗୁଜରାଟ ଜିଆଣ୍ଟସ ଦଳ ୨୦ ଓଭରରେ ୭ ଉଇକେଟ୍ ହରାଇ ୨୧୧ ରନ୍ ସଂଗ୍ରହ କରିଥିଲା।