କଣିହାଁ/ ଅନୁଗୋଳ ଅଫିସ,୫ ।୨ କଣିହାଁ ବ୍ଲକ ୧୦ ନମ୍ବର ଜିଲା ପରିଷଦ ଜୋନ୍ ବିଜେଡି ପ୍ରାର୍ଥୀଙ୍କ ପାଇଁ ଶୁକ୍ରବାର ପ୍ରଚାର ଆରମ୍ଭ କରିଛନ୍ତି ପାଲଲହଡ଼ା ବିଧାୟକ ମୁକେଶ କୁମାର ପାଳ। ବିଧାୟକ ପ୍ରଥମେ କର୍ଣ୍ଣପାଳ ପଞ୍ଚାୟତର ମା’ ଲୁଧୁଣୀ ମନ୍ଦିରଠାରେ ପୂଜାପାଠ କରି କର୍ଣ୍ଣପାଳ, କୁସୁମପାଳ, ଶିପୁର ଗ୍ରାମର ଘରକୁ ଘର ଯାଇ ଜିଲା ପରିଷଦ ପ୍ରାର୍ଥୀ ରଶ୍ମିତା ବେହେରା ଓ ସମର୍ଥିତ ସରପଞ୍ଚ ପ୍ରାର୍ଥୀ ଜଳଧର ସାମଲ, ସମିତି ସଭ୍ୟା ପ୍ରାର୍ଥୀ ରଶ୍ମିତା ବିଶ୍ୱାଳ, ପରାବିଲ ପଞ୍ଚାୟତର ସମର୍ଥିତ ସରପଞ୍ଚ ପ୍ରାର୍ଥୀ ଝୁନୁବାଳା ମଲିକ ଓ ସମିତି ସଭ୍ୟା ପ୍ରାର୍ଥୀ ଲିପି ନାଏକଙ୍କ ପାଇଁ ଭୋଟ ମାଗିଥିଲେ। ବିଧାୟକଙ୍କ ସହ କଣିହାଁ ବ୍ଲକ ବିଜେଡି ସଭାପତି କୈଳାସ ଚନ୍ଦ୍ର ସାହୁ, କର୍ଣ୍ଣପାଳ ପଞ୍ଚାୟତ ସଭାପତି ରବିଚନ୍ଦ୍ର ରାଉତ, ଯୁବନେତା ସୁବାସ ଚନ୍ଦ୍ର ମହାନ୍ତି, ଦେବରାଜ ପ୍ରଧାନ, ଗୋକୁଳ ପ୍ରଧାନ, ହିଲଳ ଜେନା, ପର୍ଶୁରାମ ବିଶ୍ୱାଳ, ବିରଞ୍ଚି ନାରାୟଣ ସାହୁ, ଧ୍ରୁବ ଚରଣ ବିଶ୍ୱାଳ ପ୍ରମୁଖ ବହୁ ବିଜେଡି କର୍ମୀ ଯୋଗ ଦେଇଥିଲେ। ସେହିପରି ଛେଣ୍ଡିପଦା ନିର୍ବାଚନମଣ୍ଡଳୀ ୨୫ ନମ୍ବର ଜିଲା ପରିଷଦ ଜୋନରୁ ବିଜେଡି ପ୍ରାର୍ଥୀ ଦିଲୀପ କୁମାର ପ୍ରଧାନଙ୍କ ପାଇଁ ଘର ଘର ବୁଲି ଭୋଟ ଭିକ୍ଷା କରିଛନ୍ତି ଛେଣ୍ଡିପଦା ବିଧାୟକ ସୁଶାନ୍ତ କୁମାର ବେହେରା। ଏଥିସହ ଜରାସିଂହା ପଞ୍ଚାୟତର ସମର୍ଥତ୍ତ ସରପଞ୍ଚ ପ୍ରାର୍ଥୀ ସବିତା ସାହୁ, ସମିତି ସଭ୍ୟା ପ୍ରାର୍ଥୀ ଲିପିକା ପୃଷ୍ଟିଙ୍କ ପାଇଁ ପ୍ରଚାର କରିଛନ୍ତି। ବିଧାୟକଙ୍କ ସହ ଦଳୀୟ କର୍ମକର୍ତ୍ତା ଓ କର୍ମୀମାନେ ସାମିଲ ହୋଇଥିଲେ।
