ବେଙ୍ଗାଲୁରୁ,୪।୧: କର୍ନାଟକର ଦକ୍ଷିଶ କନ୍ନଡ ଜିଲାରେ ଏକ ବିଚିତ୍ର ଘଟଣା ଘଟିଛି। ଏଠାରେ ଗୋଟିଏ ଶୌଚାଳୟରେ କୁକୁର ଏବଂ ଚିତା ବାଘ ପଶି ଯାଇଥିଲେ। ପାଖାପାଖି ୭ ଘଣ୍ଟାର ପରିଶ୍ରମ ପରେ ଉଭୟଙ୍କୁ ବାହରକୁ ଅଣାଯାଇଥିଲା। ସୂଚନାଯୋଗ୍ୟ, ଏକ ଗ୍ରାମରେ ସକାଳୁ ସକାଳୁ କୁକୁରକୁ ପିଛା କରି ଏକ ଚିତା ବାଘ ଶୌଚାଳୟ ଭିତରକୁ ପଶିଯାଇଥିଲା। ବାଘ ଏବଂ କୁକୁରଙ୍କ ଚିତ୍କାର ଶୁଣି ଲୋକେ ଭୟରେ ପୋଲିସ ଏବଂ ବନ ବିଭାଗକୁ ସୂଚନା ଦେଇଥିଲେ। ଏହାପରେ ସ୍ଥାନୀୟ ଲୋକେ ଶୌଚାଳୟ କବାଟ ବନ୍ଦ କରିଦେଇଥିଲେ। ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଭୟଙ୍କୁ ବାହରକୁ ଆଣିବାକୁ ଚେଷ୍ଟା କରିଥିଲା। ଏଥିପାଇଁ ଶୌଚାଳୟ ବାହାରେ ଏକ ପିଞ୍ଜରା ରଖାଯାଇଥିଲା। ପଶୁ ଚିକିତ୍ସିକ ମଧ୍ୟ ଡକାଯାଇଥିଲା। ଦୀର୍ଘ ୭ ଘଣ୍ଟା ପରେ ଚିତା ବାଘ ଶୌଚାଳୟ ବାହରକୁ ଅରସିଥିଲା। ତା’ ପଛେ ପଛେ କୁକୁର ମଧ୍ୟ ଆସିଥିଲା। ଲୋକେ ଶୌଚାଳୟ ଝରକା ବାଟେ କୁକୁର ଏବଂ ଚିତାବାଘର ଫଟୋ ଉଠାଇଥିଲେ।
