ବାଘର ଅନେକ ଭିଡିଓ ସୋସିଆଲ ମିଡିଆରେ ହେଉ ଅବା ଟିଭିରେ ଆମେ ଦେଖିଛୁ। କେତେବେଳେ ତାକୁ ଚୁପ୍ଚାପ୍୍ ବସିଥିବାର ତ ଆଉ କେତେବେଳେ ବୁଲୁଥିବାର ଦେଖିବାକୁ ମିଳିଥାଏ। ସେମିତି ଏକ ଭିଡିଓ ଏବେ ସାମ୍ନାକୁ ଆସିଛି। ଏହି ଭିଡିଓରେ ଏକ ଚିତାବାଘ ରେଷ୍ଟୁରାଣ୍ଟ ମଧ୍ୟକୁ ପଶୁଥିବାର ଦେଖିବାକୁ ମିଳୁଛି। ଏହି ୧ ମାସ ତଳର ଭିଡିଓ। ସାଉଥ୍ ଆପ୍ରିକାର ସିଙ୍ଗିତା ଇବୋନି ରେଷ୍ଟୁରାଣ୍ଟର ଏହି ଭିଡିଓଟି ବୋଲି କୁହାଯାଉଛି। କ୍ରୁଗର ନାମକ ଜଣେ ୟୁଟ୍ୟୁବ୍ ବ୍ୟବହାରକାରୀ ଏହି ଭିଡିଓକୁ ସୋସିଆଲ ମିଡିଆରେ ଅପ୍ଲୋଡ୍ କରିଛନ୍ତି। ଭିଡିଓରେ ପ୍ରଥମେ ଚିତାବାଘଟି ରେଷ୍ଟୁରାଣ୍ଟ ସମ୍ମୁଖରେ ଛିଡା ହୋଇଛି। ତାର ଚାରିପାଖରେ ଲୋକମାନେ ମଧ୍ୟ ଛିଡା ହୋଇଥିବା ଦେଖିବାକୁ ମିଳୁଛି। ପରେ ଚିତାବାଘଟି ଏତେ ଆରାମରେ ରେଣ୍ଟୁରାଣ୍ଟ ଭିତରକୁ ପ୍ରବେଶ କରି ବୁଲୁଛି ଯେପରି ଏହା ତାର ଏରିଆ। ଭିଡିଓଟି ସୋସିଆଲ ମିଡିଆରେ ଅପ୍ଲୋଡ୍ ହେବାର ମାତ୍ର ଅଳ୍ପ କିଛି ସମୟ ମଧ୍ୟରେ ଏହାକୁ ୭ ଲକ୍ଷରୁ ଊର୍ଦ୍ଧ୍ୱ ଲୋକ ଦେଖିସାରିଛନ୍ତି।
ଜଣେ ୟୁଟ୍ୟୁବ୍ ବ୍ୟବହାରକାରୀ ଭିଡିଓକୁ ଦେଖିବା ପରେ ଲେଖିଛନ୍ତି, ଚିତାବାଘ ମାସ୍କ ପିନ୍ଧିନାହିଁ। ସେହିପରି ଅନ୍ୟଜଣେ ଲେଖିଛନ୍ତି, ଚିତାବାଘ ଏଠାକୁ ଡେଟ୍ କରିବାକୁ ଆସିଛି।