ଶ୍ରୀନଗର,୬।୬ : ଭାଇର ଜନ୍ମଦିନରେ ୫ ବର୍ଷୀୟା ମିର ଆଦା ପିନ୍ଧିଥିଲେ ବାର୍ବି ଡ୍ରେସ। ତା’ ସାଙ୍ଗକୁ ମୁକୁଟ। ଘର ବାହାରେ ଲନ ଛିଡ଼ା ହୋଇଥିବାବେଳେ ଉଠାଇ ନେଇଥିଲା ଚିତାବାଘ। ଏଭଳି ଘଟଣା ଘଟିଛି ଜମ୍ମୁ-କଶ୍ମୀରର ବୁଦଗମ ଜିଲାରେ ଓମ ପୁରା ଅଞ୍ଚଳରେ।
ଜୁନ ୩ ତାରିଖରେ ଅଲି(୭)ର ଜନ୍ମଦିନ ପାଇଁ ପହଞ୍ଚିଥିଲା ଆଦା। ଡ୍ରେସ ପିନ୍ଧିବା ପରେ ହାତରେ କଣ୍ଡେଇ ଧରି ବଗିଚାରେ ଚା’ ପିଉ ଥିବା ଅଜାଙ୍କୁ ଡାକିବା ପାଇଁ ଯାଇଥିଲା। କିଛି ମିନିଟ୍ ଅଦା ଉପରେ ଆକ୍ରମଣ କରିଥିଲା ଚିତାବାଘ। ଝିଅର ଚିତ୍କାର ଶୁଣି ପରିବାର ସଦସ୍ୟ ଦୌଡ଼ିଆସିଥିଲେ। ପଡ଼ୋଶୀ, ଜଙ୍ଗଲ ଅଧିକାରୀଙ୍କ ଖୋଜାଖୋଜି କରିବା ପରେ ମିଳିଥିଲା ରକ୍ତ ଭିଜା କଣ୍ଡେଇ। ଏହାର ପରଦିନ କୁନି ଝିଅର ଖଣ୍ଡବିଖଣ୍ଡିତ ମୃତଦେହ ଉଦ୍ଧାର କରାଯାଇଥିଲା। ଏହି ଘଟଣା ଯୋଗୁ କିଛି ଜଙ୍ଗଲ ଅଧିକାରୀଙ୍କୁ ନିଲମ୍ବିତ କରାଯାଇଛି।