ନୂଆଦିଲ୍ଲୀ,୮।୫: ଦେଶରେ କରୋନା ମହାମାରୀ ସଂକ୍ରମଣ ଜାରି ରହିଥିବାବେଳେ ସାର୍ବଜନୀକ ଟିକାକରଣ ଅଭିଯାନ ଜାରି ରହିଛି। କରୋନା ଭାକ୍ସିନ୍ ଦାମ୍ ନେଇ କିଛି ଦିନ ତଳେ ବେଶ୍ ସରଗରମ ଚର୍ଚ୍ଚା ହୋଇଥିଲା। ଏବେ ଭାକ୍ସିନ୍ ଉପରେ ଲାଗୁ ହେଉଥିବା ଜିଏସ୍ଟି ନେଇ ବିରୋଧୀ ଦଳ ପ୍ରଧାନକନ୍ତ୍ରୀ ନରେନ୍ଦ୍ର ମୋଦି ସରକାରଙ୍କୁ ଘେରିବା ଆରମ୍ଭ କରିଛନ୍ତି। କଂଗ୍ରେସ ପକ୍ଷରୁ ରାହୁଲ ଗାନ୍ଧୀ ଟୁଇଟ୍ କରି କହିଛନ୍ତି ଯେ, ଭାକ୍ସିନ୍ ପାଇଁ ଲୋକଙ୍କ ଜୀବନ ଯାଉ ପଛେ ସରକାରଙ୍କ ଜିଏସ୍ଟି ରହୁ। ପ୍ରଧାନମନ୍ତ୍ରୀ ଭାକ୍ସିନ ଉପରେ ଟିକସ ଆଦାୟକୁ ଗୁରୁତ୍ୱ ଦେଉଥିବା ରାହୁଲ ଅଭିଯୋଗ କରିଛନ୍ତି। କେନ୍ଦ୍ର ସରକାରଙ୍କ ପକ୍ଷରୁ ଭାକ୍ସିନ୍ ଉପରେ ୫ ପ୍ରତିଶତ ଜିଏସ୍ଟି ଲାଗୁ କରାଯିବାକୁ ସେ ନିନ୍ଦା କରିଛନ୍ତି। ବିଦେଶରୁ ଆମଦାନୀ ହେଉଥିବା ଭାକ୍ସିନ୍ ଉପରେ ଜିଏସ୍ଟି ହଟାଇ ଦିଆଯାଇଛି। ମାତ୍ର ଦେଶ ଭିତରେ ଭାକ୍ସିନ୍ କିଣିବା ଉପରେ ଜିଏସ୍ଟି କାହିଁକି ଲାଗୁ ହୋଇଛି ବୋଲି ରାହୁଲ ପ୍ରଶ୍ନ କରିଛନ୍ତି।
