ନୂଆଦିଲ୍ଲୀ,୧୦।୧୦: ମନି ଲଣ୍ଡରିଂ ମାମଲାରେ ଆମ ଆଦମୀ ପାର୍ଟି ବିଧାୟକଙ୍କ ଅଡୁଆ କମିବାର ନାଁ ଧରୁନି। ମଙ୍ଗଳବାର ସକାଳେ ଇଡି ଟିମ ଏଏପି ବିଧାୟକ ଅମାନତୁଲ୍ଲା ଖାନଙ୍କ ଘରେ ପହଞ୍ଚି ତଦନ୍ତ କରୁଛନ୍ତି।
ସୂଚନାଯୋଗ୍ୟ ଯେ ଦିଲ୍ଲୀ ୱାକଫ ବୋର୍ଡର କାର୍ଯ୍ୟରେ ଆର୍ଥିକ ଅପବ୍ୟବହାର ତଥା ଅନ୍ୟାନ୍ୟ ଅନିୟମିତତା ଅଭିଯୋଗରେ ଦୁର୍ନୀତି ନିବାରଣ ବ୍ୟୁରୋ (ଏସିବି) ଏଏପି ବିଧାୟକ ଅମାନତୁଲ୍ଲାଙ୍କ ବିରୋଧରେ ମାମଲା ରୁଜୁ କରିଥିଲା। ଏହି ମାମଲାରେ ଇମାନ ଅମାନତୁଲ୍ଲାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ଦିଲ୍ଲୀ ୱାକଫ ବୋର୍ଡର ଚେୟାରମ୍ୟାନ ଭାବରେ କାର୍ଯ୍ୟ କରୁଥିବାବେଳେ ଅମାନତୁଲ୍ଲା ଖାନ ନିୟମ ଉଲ୍ଲଂଘନ କରି ୩୨ ଜଣଙ୍କୁ ନିଯୁକ୍ତି ଦେଇଥିବା ଅଭିଯୋଗ ହୋଇଛି। ଅଭିଯୋଗ ହେଉଛି ଯେ, ଦିଲ୍ଲୀ ୱାକଫ ବୋର୍ଡର ଚେୟାରମ୍ୟାନ ଭାବରେ ଏଏପି ବିଧାୟକ ଦୁର୍ନୀତି ଏବଂ ପକ୍ଷପାତିତା କରିଥିଲେ। ଏହା ବ୍ୟତୀତ ଦିଲ୍ଲୀ ୱାକଫ ବୋର୍ଡର ଅନେକ ସମ୍ପତ୍ତି ବେଆଇନ ଭାବେ ଭଡା ଦିଆଯାଇଥିଲା। ସେ ଦିଲ୍ଲୀ ସରକାରଙ୍କ ଅନୁଦାନ ସମେତ ବୋର୍ଡ ପାଣ୍ଠିର ଅପବ୍ୟବହାର କରିଥିବା ଅଭିଯୋଗ ହୋଇଥିଲା।
