କେନ୍ଦୁଝର,୧୪ା୧୨(ନରେଶ ଚନ୍ଦ୍ର ପଟ୍ଟନାୟକ): ସଦର ବ୍ଲକ ଅନ୍ତର୍ଗତ ପଦ୍ମପୁର ପଞ୍ଚାୟତର ବିଭିନ୍ନ ସମସ୍ୟା ସମାଧାନ ନେଇ ସମିତିସଭ୍ୟ ସିଦ୍ଧାନ୍ତ ଶଙ୍କର ସାହୁଙ୍କ ନେତୃତ୍ୱରେ କେନ୍ଦୁଝର ଜିଲାପାଳଙ୍କୁ ଦାବିପତ୍ର ଦେଇଛନ୍ତି। ବିଶେଷକରି ପଦ୍ମପୁର ଲକ୍ଷ୍ମୀପଡ଼ିଆଠାରୁ ପୁଟୁଳିଆ ଦେଇ ଜଡ଼ିଚାତର ଗ୍ରାମକୁ ରାସ୍ତା ନିର୍ମାଣ, ପଦ୍ମପୁର ହନୁମାନମନ୍ଦିରଠାରୁ ଉଚ୍ଚମାଧ୍ୟମିକ ବିଦ୍ୟାଳୟକୁ କଂକ୍ରିଟ ରାସ୍ତା ନିର୍ମାଣ କରିବାକୁ ଅର୍ଥ ଅନୁମୋଦନ କରିବାକୁ ଦାବି ହୋଇଛି। ଜଡ଼ିଚାତର ଗ୍ରାମରେ ନିର୍ମାଣାଧୀନ କଲ୍ୟାଣମଣ୍ତପ କାର୍ଯ୍ୟ ଶେଷ କରିବାକୁ ଲିଖିତ ଦାବିପତ୍ରରେ ଉଲ୍ଲେଖ କରିଛନ୍ତି। କଲ୍ୟାଣମଣ୍ତପ ସରି ନ ଥିବାରୁ ଉକ୍ତ ସ୍ଥାନରେ ମଦ୍ୟପମାନଙ୍କର ଆଡ୍ଡା ଜମୁଥିବା ବେଳେ ଅସାମାଜିକ କାର୍ଯ୍ୟ ଚାଲୁଥିବା ପଞ୍ଚାୟତବାସୀ ଅଭିଯୋଗ କରିଛନ୍ତି। ପଦ୍ମପୁର ପଞ୍ଚାୟତ ସରପଞ୍ଚ ଚପଳା ସାମଲ, ପୂର୍ବତନ ନଗରପାଳ ମୀନା ମାଝି,ରାଜେନ୍ଦ୍ର ସାହୁ,ସତ୍ୟବ୍ରତ ସାହୁ, ଆୟୁଷମାନ ପୃଷ୍ଟି, ସୁବ୍ରତ ସାହୁ, ସୌମ୍ୟରଞ୍ଜନ ସାହୁ, ଗୌତମ ସାହୁ,ଗୌତମ ସେଠୀ,ଜ୍ୟୋତି ପ୍ରକାଶ ପୃଷ୍ଟି, ତୁଷାର ସାହୁ, ପବିତ୍ର ମିଶ୍ର,ସାଗର ସାହୁ,ଦୟାନିଧି ସାହୁ, ପ୍ରତୀକ ସୁନ୍ଦର ସାହୁ ପ୍ରମୁଖ ଏହି ଦାବିପତ୍ର ଦେଇଥିଲେ। କେନ୍ଦୁଝର ଜିଲା ପ୍ରଶାସନ ଏହି ସମସ୍ୟା ଦିଗରେ କାର୍ଯ୍ୟକାରୀ କରିବାକୁ ଦାବି ହୋଇଛି।