ପ୍ଲାଟ୍‌ଫର୍ମରେ ଉନ୍ନତ ବୈଷୟିକ ଜ୍ଞାନକୌଶଳ ଉପଯୋଗ
7:39 amNovember 20, 2024November 20, 2024 / 04

ନୂଆଦିଲ୍ଲୀ,୨୦।୧୧: ଦେଶର ପ୍ରମୁଖ ଇ- କମର୍ସ ପ୍ଲାଟ୍‌ଫର୍ମ ମିଶୋ ଅନ୍‌ଲାଇନ ଠକେଇ ବିରୋଧରେ ଲଢ଼େଇ କରିବା ସହ ପ୍ଲାଟ୍‌ଫର୍ମରେ ଉନ୍ନତ ବୈଷୟିକ ଜ୍ଞାନକୌଶଳ ଉପଯୋଗ କରିଛି। ଏପରିକି ମିଶୋ ଟ୍ରଷ୍ଟ, ନିଶ୍ଚିତତା ଉପରେ ରିପୋର୍ଟର ଦ୍ୱିତୀୟ ସଂସ୍କରଣକୁ ଉନ୍ମୋଚନ କରିଛି। ମିଶୋର ସକ୍ରିୟ ପଦକ୍ଷେପ ଓ ସୁରକ୍ଷା ଉପଭୋକ୍ତାଙ୍କ ବିଶ୍ୱାସ ବୃଦ୍ଧି ପାଇଁ ଜାରି ରହିଛି। ଏପରିକି ବ୍ରାଣ୍ଡ ବୈଷୟିକ ଉଦ୍ଭାବନ, ବିଶ୍ୱସ୍ତରୀୟ ବିଶେଷଜ୍ଞଙ୍କ ସହ ଯୋଗାଯୋଗ ଓ ସୁରକ୍ଷା ବ୍ୟବସ୍ଥା କାର୍ଯ୍ୟକାରୀ ଉପରେ ଗୁରୁତ୍ୱ ଦେଇ ବିଶ୍ୱସ୍ତରୀୟ ଇ-ବାଣିଜ୍ୟ ପ୍ଲାଟ୍‌ଫର୍ମରେ ସୁନାମ ଅର୍ଜନ କରିଛି। ସେହିଭଳି ପ୍ରୋଜେକ୍ଟ ବିଶ୍ୱାସର ଏକ ଅଂଶ ଭାବେ କମ୍ପାନୀର ଉତ୍ସର୍ଗୀକୃତ ବିଶ୍ୱାସ ଓ ସୁରକ୍ଷା ଦଳକୁ ମଜଭୁତ କରିବାକୁ ପ୍ରୟାସ କରୁଛି। ପ୍ଲାଟ୍‌ଫର୍ମରେ ଉପଭୋକ୍ତାଙ୍କ ବିଶ୍ୱାସ ବଜାୟ ରଖିବା ଉପରେ କମ୍ପାନୀ ଧ୍ୟାନଦେଇଛି। ରିସ୍କ ଇଣ୍ଟେଲିଜେନ୍ସ ବିଶେଷଜ୍ଞଙ୍କ ସହିତ ସହଭାଗିତା ଓ ଏହାର ସାମର୍ଥ୍ୟ ବଢ଼ାଇବା ଲାଗି କମ୍ପାନୀ ଏହାର ଗତିଶୀଳ ଦୃଶ୍ୟପଟରେ ବିପଦ ସୁରକ୍ଷାକୁ ସକ୍ରିୟ ଭାବେ ମୁକାବିଲା ଲାଗି ପ୍ରସ୍ତୁତ ରହିଛି। ଗତ ୧୨ ମାସ ମଧ୍ୟରେ ମିଶୋ ୨.୨ କୋଟିରୁ ଅଧିକ ଠକେଇ କାରବାରକୁ ରୋକିଛି। ମିଶୋର ମହାପ୍ରବନ୍ଧକ (ଫୁଲ୍‌ଫିଲ୍‌ମେଣ୍ଟ ଓ ଏକ୍ସପେରିମେଣ୍ଟ) ସୌରଭ ପାଣ୍ଡେ କହିଛନ୍ତି, ମିଶୋର ରଣନୀତିର ପ୍ରମୁଖ ଉପାଦାନ ହେଉଛି, ପ୍ରୋଜେକ୍ଟ ବିଶ୍ୱ ଏକ ବ୍ୟାପକ ପଦକ୍ଷେପ, ଯାହା ଉଭୟ ଗ୍ରାହକ ଓ ବିକ୍ରେତାଙ୍କ ମଧ୍ୟରେ ସୁରକ୍ଷା ପ୍ରତି ଆମର ପ୍ରତିବଦ୍ଧତାକୁ ଦର୍ଶାଇବା ଲାଗି ବିଭିନ୍ନ ପଦ୍ଧତିକୁ କାର୍ଯ୍ୟକାରୀ କରିଥାଏ। ଉନ୍ନତ ବୈଷୟିକ ଜ୍ଞାନକୌଶଳ ଉପଯୋଗକରି ସ୍ବତନ୍ତ୍ର ଏଜେନ୍ସି ଓ ପରାମର୍ଶଦାତାଙ୍କ ସହ ଯୋଗାଯୋଗ କରିବା ସହ କଠୋର ଅନ୍‌ ଗ୍ରାଉଣ୍ଡ ଅଡିଟ୍‌ କରିବା ସହ ଆମେ ଠକେଇ ରୋକିବା ଲାଗି ଚେଷ୍ଟା କରୁଛୁ।