ଆନନ୍ଦପୁର/କେନ୍ଦୁଝର,୪ା୧୨(ସ୍ବ.ପ୍ର.): କେନ୍ଦୁଝର ଜିଲା ଜୀବନବୀମା ନିଗମ ଶାଖା ପରିଚାଳକଙ୍କ ଏକ ମର୍ମନ୍ତୁଦ ସଡ଼କ ଦୁର୍ଘଟଣାରେ ମୃତ୍ୟୁ ଘଟିଛି।
କେନ୍ଦୁଝର ଜିଲା ଜୀବନବୀମା ନିଗମର କେନ୍ଦୁଝର ଶାଖା ପରିଚାଳକ ନାରାୟଣ ଚନ୍ଦ୍ର ମଲିକ ରବିବାର ସକାଳୁ ନିଜ କାର୍ ଯୋଗେ ଆନନ୍ଦପୁରକୁ ଏକ ସଭାରେ ଯୋଗ ଦେବାପାଇଁ ଅସୁଥିବା ବେଳେ ହଠାତ୍ ଘସିପୁରା ଥାନା ଅନ୍ତର୍ଗତ ଦରଖଳା ନିକଟ ରଙ୍ଗମାଟିଆ ଛକ ନିକଟରେ କାର୍ଟି ଭାରସାମ୍ୟ ହରାଇ ଓଲଟି ପଡ଼ିଥିଲା। ଫଳରେ ଘଟଣାସ୍ଥଳରେ ଶାଖା ପରିଚାଳକ ନାରାୟଣ ଚନ୍ଦ୍ର ମଲିକଙ୍କ ଜୀବନ ଚାଲିଯାଇଥିଲା। ଘସିପୁରା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହିତ ବ୍ୟବଚ୍ଛେଦ ପାଇଁ ଆନନ୍ଦପୁର ଉପଖଣ୍ଡ ଚିକିତ୍ସାଳୟ ଆଣି ଅନୁସନ୍ଧାନ ଜାରି ରଖିଛି। ତାଙ୍କ ଶେଷକୃତ୍ୟରେ ଶହ ଶହ ଜୀନବୀମା ଏଜେଣ୍ଟ, ଶାଖାର କର୍ମଚାରୀ, ସ୍ତ୍ରୀ,ଝିଅ, ପୁଅ ଉପସ୍ଥିତ ଥିଲେ। କଟକ ମଣ୍ଡଳର ବରିଷ୍ଠ ମଣ୍ଡଳ ପ୍ରବନ୍ଧକ ଅମୀୟ ଭୂଷଣ ରଥ ଶେଷକୃତ୍ୟରେ ସାମିଲ ଥିଲେ।