ନୂଆଦିଲ୍ଲୀ,୧୨।୩: ଜୀବନ ବୀମା ନିଗମ(ଏଲ୍ଆଇସି)ର ଏମ୍ଡି ସିଦ୍ଧାର୍ଥ ମହାନ୍ତିଙ୍କୁ ମଧ୍ୟବର୍ତ୍ତୀକାଳୀନ ଚେୟାରମ୍ୟାନ୍ ଭାବେ ୩ ମାସ ଲାଗି ନିଯୁକ୍ତ କରାଯାଇଛି। ମାର୍ଚ୍ଚ ୧୪ରୁ ଏହି ନିଯୁକ୍ତି କାର୍ଯ୍ୟକାରୀ ହେବ। ବର୍ତ୍ତମାନର ଏଲ୍ଆଇସି ଅଧ୍ୟକ୍ଷ ଏମ୍ଆର୍ କୁମାରଙ୍କ କାର୍ଯ୍ୟକାଳ ବୃଦ୍ଧି କରାଯାଇ ନାହିଁ। ଏମ୍ଆର୍ କୁମାରଙ୍କ କାର୍ଯ୍ୟକାଳ ମାର୍ଚ୍ଚ ୧୩ରେ ଶେଷ ହେବ। ଏହାପରେ ଜଣେ ନିୟମିତ ନିଯୁକ୍ତ ବ୍ୟକ୍ତି କାର୍ଯ୍ୟଭାର ଗ୍ରହଣ ନ କରିବା ପର୍ଯ୍ୟନ୍ତ ସିଦ୍ଧାର୍ଥଙ୍କ ନିଯୁକ୍ତି କାର୍ଯ୍ୟକାରୀ ହେବ। ତେବେ ସେ ଏଲ୍ଆଇସି ହାଉସିଂ ଫାଇନାନ୍ସର ଏମ୍ଡି ଏବଂ ସିଇଓ ଭାବେ ତାଙ୍କର କାର୍ଯ୍ୟ ଜାରି ରଖିବେ ବୋଲି ମଧ୍ୟ ଜଣାପଡ଼ିଛି।