ଭୁବନେଶ୍ୱର, ୮।୨: ଭାରତୀୟ ଜୀବନ ବୀମା ନିଗମ (ଲାଇଫ ଇନ୍ସ୍ୟୁରାନ୍ସ କର୍ପୋରେଶନ ବା ଏଲ୍ଆଇସି ଇଣ୍ଡିଆ) ର ନୂତନ ପ୍ଲାନ୍ ‘ଇଣ୍ଡେକ୍ସ ପ୍ଲସ୍’(ପ୍ଲାନ- ୮୭୩) କୁ ସର୍ବଭାରତୀୟସ୍ତରରେ ଉନ୍ମୋଚନ (ଶୁଭାରମ୍ଭ) କରାଯାଇଛି। ଏହି ପରିପ୍ରେକ୍ଷୀରେ ଏଲ୍ଆଇସି ଇଣ୍ଡିଆ ପକ୍ଷରୁ ମୁମ୍ବାଇଠାରେ ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଉକ୍ତ କାର୍ଯ୍ୟକ୍ରମରେ ଏଲ୍ଆଇସି ଇଣ୍ଡିଆର ଚେୟାରମ୍ୟାନ ସିଦ୍ଧାର୍ଥ ମହାନ୍ତି ସମ୍ମାନିତ ଅତିଥି ଭାବେ ଯୋଗଦେଇ ଏହାର ଶୁଭାରମ୍ଭ (ନୂତନ ପ୍ଲାନ୍ ‘ଇଣ୍ଡେକ୍ସ ପ୍ଲସ୍’ର ଉନ୍ମୋଚନ) କରିଥିଲେ। ଏହି ଅବସରରେ ଏଲ୍ଆଇସି ଇଣ୍ଡିଆର ବହୁ ବରିଷ୍ଠ ଅଧିକାରୀ ଓ ଅନ୍ୟମାନେ ଉପସ୍ଥିତ ଥିଲେ।
ଉଲ୍ଲେଖଯୋଗ୍ୟ, ଏଲ୍ଆଇସିର ଇଣ୍ଡେକ୍ସ ପ୍ଲସ୍ ପ୍ଲାନ୍ ହେଉଛି, ଏକ ୟୁନିଟ୍ ଲିଙ୍କ୍, ନିୟମିତ ପ୍ରିମିୟମ୍, ବ୍ୟକ୍ତିଗତ ଜୀବନ ବୀମା ପ୍ଲାନ୍ ହୋଇଥିବାବେଳେ ପଲିସିର ଅବଧି ମଧ୍ୟରେ ଜୀବନ ବୀମା କଭର କମ୍ ସଞ୍ଚୟ ପ୍ରଦାନ କରିଥାଏ। ଏପରିକି ବାର୍ଷିକ ପ୍ରିମିୟମର ଶତକଡ଼ା ଗ୍ୟାରେଣ୍ଟି ଯୋଗଗୁଡ଼ିକ ଏଥିରେ ଯୋଗ କରାଯିବ। ସେହିଭଳି ଏକ ଇନ୍-ଫୋର୍ସ ପଲିସି ଅଧୀନରେ ବର୍ଷର ନିର୍ଦ୍ଦିଷ୍ଟ ଅବଧି ସମାପ୍ତ ହେବା ଉପରେ ୟୁନିଟ୍ ପାଣ୍ଠି ଏବଂ ୟୁନିଟ୍ କିଣିବା ପାଇଁ ବ୍ୟବହୃତ ହେବ। ଉକ୍ତ ପ୍ଲାନ୍ରେ ଯୋଡିହେବା ପାଇଁ ସର୍ବନିମ୍ନ ବୟସ ୯୦ ଦିନ (ସମାପ୍ତ) ହୋଇଥିବାବେଳେ ସର୍ବାଧିକ ୫୦ କିମ୍ବା ୬୦ ବର୍ଷ ହୋଇଥିବା ଆବଶ୍ୟକ ବୋଲି ପଲିସିର ନିୟମାବଳୀରେ ଉଲ୍ଲେଖ କରାଯାଇଛି। ସେହିଭଳି ସର୍ବନିମ୍ନ ପ୍ରିମିୟମ ବାର୍ଷିକ ୩୦,୦୦୦ ଟଙ୍କାରୁ ଆରମ୍ଭ ହେଉଛି। ଏପରିକି ଅର୍ଦ୍ଧବାର୍ଷିକ ପ୍ରିମିୟମ ମୂଲ୍ୟ ୧୫,୦୦୦ ଟଙ୍କା ତ୍ରୈମାସିକ ପ୍ରିମିୟମ ୭,୫୦୦ଟଙ୍କାର ବିକଳ୍ପ ସୁବିଧା ମଧ୍ୟ ରହିଥିଲାବେଳେ ସର୍ବାଧିକ ପ୍ରିମିୟମ ଅଣ୍ଡରଟେକିଂ ନିଷ୍ପତ୍ତି ଅନୁଯାୟୀ କୌଣସି ସୀମା ନାହିଁ। ଅପରପକ୍ଷରେ ଉକ୍ତ ପ୍ଲାନ୍ ହିତାଧିକାରୀ ଅନେକ ପ୍ରକାର ସୁବିଧା ଓ ଲାଭ ପ୍ରଦାନ କରିଥାଏ। ହେଲେ ପ୍ଲାନ୍ର ନିୟମାବଳୀ ଅନୁଯାୟୀ ହିତାଧିକାରୀ ପଞ୍ଜୀକୃତ ହେବାକୁ ପଡିଥାଏ ବୋଲି ନିଗମ ପକ୍ଷରୁ ବିସ୍ତୃତ ଭାବେ ସୂଚନା ଦିଆଯାଇଛି।