ନିରାକାରପୁର,୨୮ା୫(ଡି.ଏନ୍.ଏ.): କେନ୍ଦ୍ର ଓ ରାଜ୍ୟ ସରକାର ଗରିବଙ୍କ ସହାୟତା ପାଇଁ ବିଭିନ୍ନ ଯୋଜନା କରିଛନ୍ତି। ଗ୍ରାମାଞ୍ଚଳରେ ରହୁଥିବା କେତେକ ଲୋକଙ୍କ ପାଇଁ ସରକାରଙ୍କ ଏହି ଯୋଜନା ସାତସପନ ହୋଇ ରହିଛି। ଏହାର ଉଦାହରଣ ଖୋର୍ଦ୍ଧା ଜିଲା ଟାଙ୍ଗୀ ବ୍ଲକ ଲେଣ୍ଡୋ ପଞ୍ଚାୟତ ଭଗବତୀପଡ଼ା ଅଞ୍ଚଳର ଡୁଙ୍ଗେଇ ବଓ୍ବୋ (୫୦)ଙ୍କ କ୍ଷେତ୍ରରେ ଦେଖିବାକୁ ମିଳିଛି। ସୂଚନା ମୁତାବକ, ୧୭ବର୍ଷ ପୂର୍ବେ ଡୁଙ୍ଗେଇଙ୍କ ସ୍ବାମୀଙ୍କ ମୃତ୍ୟୁ ହୋଇଥିବା ବେଳେ ପୁଅ ଚାରି ବର୍ଷର ହୋଇଥିଲା। ପରେ ଡୁଙ୍ଗେଇ ଭିକ୍ଷାବୃତ୍ତି କରି ପୁଅକୁ ବଡ଼ କରିଛନ୍ତି। ଏବେ ପୁଅର ପାରିଶ୍ରମିକରେ ଚଳୁଛନ୍ତି। ଦିନ ମଜୁରିଆ ଭାବେ ପୁଅ କାର୍ଯ୍ୟ କରୁଥିବାରୁ ଘର କରିବାକୁ ତାଙ୍କର ସମଥର୍ର୍ ନାହିଁ। ଏପରିକି ରାଶନ କାର୍ଡ ମଧ୍ୟ ମିଳିନାହିଁ। ଏନେଇ ଗ୍ରାମବାସୀଙ୍କ ପକ୍ଷରୁ ଅଭିଯୋଗ ପରେ ତାଙ୍କୁ ବିଧବା ଭତ୍ତା ମିଳୁଛି। ପକ୍କା ଘର ପାଇଁ ଡୁଙ୍ଗେଇ ବାରମ୍ବାର ପ୍ରଶାସନ ଓ ସ୍ଥାନୀୟ ସରପଞ୍ଚଙ୍କୁ ଗୁହାରି କରିଥିଲେ ମଧ୍ୟ ମିଳିଲା ନାହିଁ। ଫଳରେ ବର୍ଷା, ଖରା, ଶୀତ କାକରରେ ପଲିଥିନ ତଳେ ବିତୁଛି ଜୀବନ। ସରକାରଙ୍କ ଯୋଜନା ତାଙ୍କ ପାଇଁ ସାତସପନ ହୋଇପଡ଼ିଛି। ଆଗକୁ ବର୍ଷା ଦିନ ଆସୁଥିବାରୁ ଇନ୍ଦିରା ଆବାସ ଯୋଜନାରେ ଡୁଙ୍ଗେଇଙ୍କୁ ପକ୍କା ଘର ଯୋଗାଇଦେବା ଲାଗି ଗ୍ରାମବାସୀ ଦାବି କରିଛନ୍ତିା
