ଚିକିଟି,୨୫ା୧୨(ଡି.ଏନ୍.ଏ.): ଗଞ୍ଜାମ ଜିଲା ଚିକିଟି ମୁଖ୍ୟ ବଜାର ନିକଟରେ ଶନିବାର ଏକ ଟ୍ରକ୍ ଧକ୍କାରେ ଜଣେ ମହିଳାଙ୍କ ମୃତ୍ୟୁ ଘଟିଛି। ସେ ହେଲେ ଚିକିଟି ବ୍ଲକ ଲାଲମେଣ୍ଟା ପଞ୍ଚାୟତ ବଡ଼କେଳାଝୁରି ଗ୍ରାମର ମମତା ପ୍ରଧାନ (୩୫)।
ମମତା ଏକ ସପ୍ତାହ ହେଲା ଦିଗପହଣ୍ଡି ବ୍ଲକ ଅଧୀନ ବୋମକେଇ ଗ୍ରାମ ବାପ ଘରକୁ ଆସିଥିଲେ। ହେଲେ ଶନିବାର ମଧ୍ୟାହ୍ନରେ କୌଣସି କାମରେ ଭାଇ ଦେବେନ୍ଦ୍ରଙ୍କ ସହିତ ବାଇକ୍ରେ ଚିକିଟି ଯାଉଥିଲେ। ସେତିକିବେଳେ ଏକ ଟ୍ରକ୍ (ନଂ.ଏପି ୨୭ ଯୁବି ୬୯୫୯) ବାଇକ୍କୁ ଧକ୍କା ଦେଇଥିଲା। ଫଳରେ ଭାଇ ଦେବେନ୍ଦ୍ର ରାସ୍ତାକଡ଼ରେ ଛିଟିକି ପଡିଥିବା ବେଳେ ଭଉଣୀ ମମତା ପଛ ଚକା ତଳେ ପଡିଯାଇଥିଲେ। ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। ଖବର ପାଇ ଚିକିଟି ଫାଣ୍ଡି ଅଧିକାରୀ ବିଜୟ କୁମାର ପ୍ରଧାନ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏନେଇ ଥାନାରେ ଏକ ମାମଲା(ନଂ. ୨୬୮/୨୧) ରୁଜୁ ହୋଇଛି।