ନୂଆଦିଲ୍ଲୀ,୨୬।୧୦: ଅନ୍ତଃରାଷ୍ଟ୍ରୀୟ ସାମାଜିକ ଅନୁଷ୍ଠାନ ୟୁଏସ୍-ଇଣ୍ଡିଆ ଷ୍ଟ୍ରାଟେଜିକ୍ ପାର୍ଟନରଶିପ୍ ଫୋରମ୍ (ୟୁଏସ୍ଆଇଏସ୍ପିଏଫ୍) ପକ୍ଷରୁ ଏଚ୍ସିଏଲ୍ ଏବଂ ଶିବ ନାଦାର ଫାଉଣ୍ଡେଶନର ପ୍ରତିଷ୍ଠାତା ଶିବ ନାଦାରଙ୍କୁ ଲାଇଫ୍ ଟାଇମ୍ ଆଚିଭମେଣ୍ଟ ଆଓ୍ବାର୍ଡ ପ୍ରଦାନ କରାଯାଇଛି। ବିଶେଷକରି ୟୁଏସ୍ଆଇଏସ୍ପିଏଫ୍ ହେଉଛି ଏକ ବାଇଲାଟେରାଲ୍ ଅଣ-ଲାଭଜନକ ଅନୁଷ୍ଠାନ, ଯାହାକି ଭାରତ ଓ ଯୁକ୍ତରାଷ୍ଟ୍ର ଆମେରିକା ମଧ୍ୟରେ କୌଶଳଗତ ସମ୍ପର୍କର ନିର୍ମାଣ କରିବାରେ ଧ୍ୟାନ ଦେଉଛି। ଉକ୍ତ ଅନୁଷ୍ଠାନ ନିକଟରେ ଏଚ୍ସିଏଲ୍ ଏବଂ ଶିବ ନାଦାର ଫାଉଣ୍ଡେଶନର ପ୍ରତିଷ୍ଠାତା ଶିବ ନାଦାରଙ୍କୁ ପ୍ରଯୁକ୍ତି ଉଦ୍ୟୋଗ କ୍ଷେତ୍ର ଓ ଲୋକ ଉପକାର କ୍ଷେତ୍ରରେ ତାଙ୍କର ବଳିଷ୍ଠ ଅବଦାନ ପାଇଁ ୟୁଏସ୍ଆଇଏସ୍ପିଏଫ୍ ଲାଇଫ୍ ଟାଇମ୍ ଆଚିଭମେଣ୍ଟ ଆଓ୍ବାର୍ଡ ସମ୍ମାନରେ ସମ୍ମାନିତ କରିଛି। ତାଙ୍କର ଏହି ଜନମଙ୍ଗଳକାରୀ ପଦକ୍ଷେପ ମାଧ୍ୟମରେ ଅନେକ ପିଲା ଶିକ୍ଷାର ସୁଯୋଗ ପାଇପାରିଛନ୍ତି। ଏ ସମ୍ପର୍କରେ ଶିବ ନାଦାର କହିଛନ୍ତି, ଏହି ପୁରସ୍କାର ଗ୍ରହଣ କରିବାର ସୁଯୋଗ ମିଳିଥିବାରୁ ମୁଁ ଅତ୍ୟନ୍ତ ଆନନ୍ଦିତ। ଏଚ୍ସିଏଲ୍ ଟେକ୍ ହେଉଛି ବିଶ୍ୱର ଟପ୍ ଟେକ୍ନୋଲୋଜି କମ୍ପାନୀଗୁଡ଼ିକ ମଧ୍ୟରୁ ଅନ୍ୟତମ। ଏହା ବିଭିନ୍ନ କ୍ଷେତ୍ରରେ କାର୍ଯ୍ୟ କରୁଛି। ସେହିଭଳି ୟୁଏସ୍ଆଇଏସ୍ପିଏଫ୍ର ସଭାପତି ତଥା ସିଇଓ ଡା. ମୁକେଶ ଅଘି କହିଛନ୍ତି,ଏଚ୍ସିଏଲ୍ ଗ୍ରୁପ୍ର ଅଭିନବ କାର୍ଯ୍ୟ ଯୋଗୁ ଉଭୟ ୟୁଏସ୍ ଓ ଭାରତରେ ଅନେକ ସମନ୍ବିତ ବିକାଶ ଏବଂ ସାମାଜିକ ଉନ୍ନତି ସମ୍ଭବ ହୋଇପାରିଛି।