ଆପଣ ନିଶ୍ଚିତ ଭାବରେ ମାର୍ଭେଲ କମିକ୍ସର ସୁପରହିଟ୍ ‘ହଲ୍କ’ ବିଷୟରେ ଜାଣିଥିବେ। ଆଭେଞ୍ଜର୍ସ ଫିଲ୍ମରେ ତାଙ୍କର ଚରିତ୍ରକୁ ବହୁତ ପ୍ରଶଂସା କରାଯାଏ। ପିଲାଙ୍କଠାରୁ ଆରମ୍ଭ କରି ଯୁବବର୍ଗ ପର୍ଯ୍ୟନ୍ତ ସମସ୍ତେ ତାଙ୍କର ପ୍ରଶଂସକ ଅଟନ୍ତି। କିନ୍ତୁ ସେ ଫିଲ୍ମରେ କେବଳ ଏକ କାଳ୍ପନିକ ଚରିତ୍ର। ବାସ୍ତବ ଜୀବନରେ ‘ହଲ୍କ’ ପରି ଶକ୍ତି ପାଇବା ଅସମ୍ଭବ ମନେହୁଏ। କିନ୍ତୁ ଆଜିକାଲି ଏକ ଭିଡିଓ ଭାଇରାଲ ହେଉଛି, ଯାହା ଦେଖିବା ପରେ ଆପଣ ଅନୁଭବ କରିବେ ଯେ, ଅସମ୍ଭବ ଜିନିଷ ମଧ୍ୟ ସମ୍ଭବ। ଭିଡିଓରେ ଆପଣ ପ୍ରକୃତ ‘ହଲ୍କ’ଙ୍କୁ ଦେଖିବେ। ଯିଏ ଫିଲ୍ମ ହଲ୍କଙ୍କଠାରୁ କ୍ଷମତାରେ କୌଣସି ଗୁଣରେ କମ୍ ନୁହନ୍ତି।
ସ୍ପୋଟର୍ସ ସେଣ୍ଟର ନାମକ ଏକ ଇନ୍ଷ୍ଟାଗ୍ରାମ ଆକାଉଣ୍ଟରେ ଚମତ୍କାର ଖେଳ ଭିଡିଓ ପୋଷ୍ଟ କରାଯାଇଥାଏ। ଏବେ ଏହି ଆକାଉଣ୍ଟରେ ପ୍ରକୃତ ‘ହଲ୍କ’ଙ୍କ ଏକ ଭିଡିଓ ପୋଷ୍ଟ କରାଯାଇଛି।
ଭିଡିଓରେ ଜଣେ ବ୍ୟକ୍ତି ରାସ୍ତାରେ ଯାଉଥିବା ବେଳେ ହଠାତ୍ ଏକ ଧଳା ରଙ୍ଗର କାର୍ ନିକଟରେ ଅଟକି ଯାଉଛନ୍ତି।କାର୍ ଭୁଲ୍ ଭାବରେ ପାର୍କିଂ ହୋଇଛି। ସେ କାର୍ ପାଖକୁ ଯାଇ ଦୁଇ ହାତରେ ପଛରୁ ଟେକି ଧରୁଥିବା ନଜର ଆସିଛନ୍ତି। ଏହା ପରେ, ସେ ବିନା କୌଣସି ବାଧାରେ କାର୍କୁ ସିଧା ଉଠାଇ ଦେଲେ। ତାଙ୍କ ଶରୀରକୁ ଦେଖିଲେ ଲାଗୁଛି, ସେ ଜଣେ ପ୍ରକୃତ ବଡି ବିଲଡର। କିନ୍ତୁ କାର ପରି ଭାରି ଜିନିଷ ଉଠାଇବା ଏକ ବଡ଼ କଥା।
ଭିଡିଓ ଦେଖିବା ପରେ ୟୁଜରମାନେ ନାନା ପ୍ରତିକ୍ରିୟା ଦେଇଛନ୍ତି। ବର୍ତ୍ତମାନ ମନରେ ପ୍ରଶ୍ନ ଉଠୁଛି ଏହି ବ୍ୟକ୍ତି ଜଣକ କିଏ ? ଯିଏ କି ଏତେ ସହଜରେ ଏତେ ଭାରି ଜିନିଷ ଉଠାଇ ପାରୁଛନ୍ତି।
ବାସ୍ତବରେ, ଏହି ବ୍ୟକ୍ତିଙ୍କ ନାମ କିଓମନ ବେସିଲ। ଇନ୍ଷ୍ଟାଗ୍ରାମରେ ତାଙ୍କର ୩୦୦୦ରୁ ଅଧିକ ଫଲୋଅର୍ସ ଅଛନ୍ତି। ସେ ତାଙ୍କ ବଡି ବିଲଡିଂ ସହିତ ଜଡିଡ଼ ଭିଡିଓ ପୋଷ୍ଟ କରନ୍ତି। ଇନ୍ଷ୍ଟାଗ୍ରାମରେ ତାଙ୍କ ଏହି ଭିଡିଓ ଉପରେ ଅନେକ ଲୋକ ନିଜର ମତାମତ ଦେଇଛନ୍ତି। ଜଣେ ୟୁଜର କହିଛନ୍ତି, ଯେପର୍ଯ୍ୟନ୍ତ ଏହି ବ୍ୟକ୍ତି ସେଠାରେ ଅଛନ୍ତି, କାର୍ ପାର୍କିଂ କରିବା ପାଇଁ କୌଣସି ଚିନ୍ତା ନାହିଁ। ଆଉ ଜଣେ କହିଛନ୍ତି, ଯଦି ସେ ଏହା କରିବାକୁ ଚେଷ୍ଟା କରନ୍ତି, ତା’ହେଲେ ତାଙ୍କ ଶରୀରରୁ ତାଙ୍କ ହାତ ବାହାରି ପଳାଇବ। ଅନ୍ୟ ଜଣେ ବ୍ୟକ୍ତି ଏପରି କରିପାରିବେ ବୋଲି ଦୃଢ଼ତାର ସହ କହିଛନ୍ତି।