ଅହମଦାବାଦ,୭।୧ : ଗୁଜରାଟର ଆମରେଲି ଜିଲାର ଗିର ଜଙ୍ଗଲ ବିଭାଗରେ ଏକ କୂଅରେ ଖସି ପଡ଼ିବା ପରେ ସିଂହୀ-ସିଂହଙ୍କର ମୃତ୍ୟୁ ହୋଇଛି। ବନ ବିଭାଗର ଜଣେ ଅଧିକାରୀ କହିଛନ୍ତି, ପାଣିରେ ବୁଡିଯିବା କାରଣରୁ ଉଭୟଙ୍କର ମୃତ୍ୟୁ ହୋଇଛି।
ଉପ ବନ ସଂରକ୍ଷକ ରାଜଦୀପସିଂହ ଜାଲା କହିଛନ୍ତି ଯେ ଶୁକ୍ରବାର ସକାଳେ ଖମ୍ବ ତାଲୁକାର କୋଟଡା ଗ୍ରାମରେ ସିଂହୀ-ସିଂହ ଖୋଲା କୂଅରେ ପଡ଼ିଯାଇଥିଲେ। ଚାଷୀ ଏ ବିଷୟରେ ବନ ବିଭାଗକୁ ସୂଚନା ଦେଇଥିଲେ। ଜାଲା କହିଛନ୍ତି ଯେ ବନ ବିଭାଗ ଟିମ ଘଟଣାସ୍ଥଳରେ ପହଞ୍ଚିବା ବେଳକୁ ଉଭୟ ପାଣିରେ ବୁଡି ଯାଇଥିଲେ। ଏହା ପରେ ସେମାନଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଯାଇଛି।
ଜାଲା କହିଛନ୍ତି ଯେ ଏଭଳି ଘଟଣାକୁ ଏଡାଇବା ପାଇଁ ଖୋଲାକୂଅକୁ ନିରନ୍ତର ସୁରକ୍ଷା ଦିଆଯାଉଛି। ୨୦୦୭-୦୮ପରଠାରୁ ଆମରେଲି ଏବଂ ଗିର ସୋମନାଥ ଜିଲାର ୧୧,୭୪୮ କୂଅରେ ଯେପରି ପ୍ରଣୀମାନେ ନ ପଡ଼ିବେ ସେଥିପାଇଁ ସୁରକ୍ଷିତ କରାଯାଇଛି। ସେ କହିଛନ୍ତି, ଆମରେଲିରେ ୮,୯୬୨ କୂଅ ଏବଂ ଗିର ସୋମନାଥରେ ୨,୭୮୨ କୂଅ ଉପରେ ବାଡ଼ ନିର୍ମିତ କରାଯାଇଛି।
ରାଜ୍ୟସଭାରେ ଏକ ଉତ୍ତରରେ ତତ୍କାଳୀନ ବନ ମନ୍ତ୍ରୀ କିରିଟ ସିଂ ରାଣା ଗତ ବର୍ଷ ମାର୍ଚ୍ଚରେ କହିଥିଲେ ଯେ ଡିସେମ୍ବର ୨୦୨୧ ପର୍ଯ୍ୟନ୍ତ ଦୁଇ ବର୍ଷ ମଧ୍ୟରେ ମୋଟ ୨୮୩ ସିଂହଙ୍କର ମୃତ୍ୟୁ ଘଟିଛି। ଏଥିମଧ୍ୟରୁ ୨୧ଙ୍କର କୂଅରେ ପଡ଼ିଯିବା ତଥା ଟ୍ରେନ ଏବଂ ଯାନବାହାନରେ ଧକ୍କା ହେବା ଯୋଗୁ ଅସ୍ବାଭାବିକ ମୃତ୍ୟୁ ଘଟିଥିଲା।