ନୂଆଦିଲ୍ଲୀ,୪।୧୦: ଜଙ୍ଗଲରେ ସିଂହ ଦେଖିବା ଅବା ସଫାରୀରେ ସିଂହ ଦଳଙ୍କୁ ଦେଖି ମଜା ନେବା ନିଆରା। ତେବେ ହଠାତ୍ ଶୌଚାଳୟ କବାଟ ଖୋଲି ସିଂହ ବାହାରକୁ ଆସିବା ଦେଖିଲେ ଯେ କେହି ଆଶ୍ଚର୍ଯ୍ୟ ହେବେ। ଏବେ ଏଭଳି ଏକଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ ହେବାରେ ଲାଗିଛି। ଭିଡ଼ିଓରେ ଏକ ସିଂହ ଶୌଚାଳୟରୁ ବାହାରକୁ ଆସୁଥିବାରୁ ଦେଖିବାକୁ ମିଳୁଛି।
୧ ମିନିଟ୍ର ଏହି ଭିଡ଼ିଓକୁ ଜଙ୍ଗଲ ସଫାରୀ ସମୟରେ ଶୁଟିଂ କରାଯାଇଥିବା କୁହାଯାଉଛି। ଟୁଇଟରରେ ଏହାକୁ ଓ୍ବାଇଲ୍ଡ୍ ଲେନ୍ସ୍ ଇକୋ ଫାଉଣ୍ଡେଶନ ପକ୍ଷରୁ ଅପଲୋଡ୍ ହୋଇଛି। ଏହାର ଶୁଟିଂ ଚଳନ୍ତା କାର୍ରୁ କରାଯାଇଛି। କାର୍ଟି ସର୍ବସାଧାରଣଙ୍କ ପାଇଁ ଉଦ୍ଦିଷ୍ଟ ଥିବା ଶୌଚାଳୟ ନିକଟରେ ପହଞ୍ଚିବା ପରେ ସିଂହଟି ଭିତରୁ ବାହାରୁ ଥିବାର ଦେଖିବାକୁ ମିଳିଥିଲା। ଏହାର ଶୁଟିଂ କରାଯାଇଥିଲା। ସିଂହଟି ଶୌଚାଳୟରୁ ବାହାରି ଜଙ୍ଗଲ ମୁହାଁ ହୋଇଥିଲା।
