ଜଙ୍ଗଲର ରାଜା ହେଉଛି ସିଂହ। ତା ଆଗରେ ପଡ଼ିଲେ ଅନ୍ୟ ପଶୁ ବଞ୍ଚିବା କଷ୍ଟକର। ସେଥିପାଇଁ ଛୋଟ ପଶୁମାନେ ସିଂହକୁ ଦେଖିବା ମାତ୍ରେ ଦୌଡ଼ି ପଳାଇଥାନ୍ତି। ହେଲେ ଆଜି ଆମେ ଆପଣଙ୍କୁ ଏଭଳି ଏକ ଭିଡିଓ ଦେଖାଇବୁ ଯେଉଁଥିରେ ଜଙ୍ଗଲର ରାଜା ଏକ ଛୋଟ ପ୍ରାଣୀ ଆଗରେ କିଭଳି ଅସହାୟ ହୋଇଛି ତାହା ଦେଖିବାକୁ ମିଳିବ।
ଜଙ୍ଗଲ ଦୁନିଆ ବଡ଼ ଅଦ୍ଭୁତ। କେତେବେଳେ କ’ଣ ଦେଖିବାକୁ ମିଳିବ କିଛି କହିହେବ ନାହିଁ। ସେହିଭଳି ଭାଇରାଲ ହେଉଥିବା ଭିଡିଓରେ ଏକ ସିଂହ ନଦୀ କୂଳରେ ବସି ଆରାମରେ ପାଣି ପିଉଥିବା ଦେଖାଯାଉଛି। ଠିକ୍ ସେତିକିବେଳେ ଏକ ଛୋଟ କଇଁଚ ଲୁଚିଛପି ଆସି ସିଂହ ପାଖରେ ପହଞ୍ଚୁଛି। କଇଁଛର ବ୍ୟବହାର ଦେଖି ସିଂହ ଭୟଭୀତ ହୋଇଯାଉଛି। ଏପରିକି କଇଁଛ ପାଖରେ ନିଜକୁ ଅସହାୟ ମନେ କରି ନଦୀର ଅନ୍ୟ ଏକ ପାର୍ଶ୍ୱକୁ ପାଣି ପିଇବାକୁ ଚାଲି ଯାଉଛି। କଇଁଛ ମଧ୍ୟ ତାକୁ ଅନୁସରଣ କରୁଛି।
ଆଇଏଫ୍ଏସ୍ ଅଧିକାରୀ ସୁଶାନ୍ତ ନନ୍ଦା ନିଜର ଟୁଇଟର ଆକାଉଣ୍ଟରେ ଏହି ଭିଡିଓ ଶେୟାର କରି ‘ବୁଷ୍ଟର ଡୋଜ୍’ ନେବା ପରର ଅବସ୍ଥା ବୋଲି ଲେଖିଥିଲେ। ଏହା ଲୋକଙ୍କୁ ପସନ୍ଦ ଆସିବା ସହ କେହି କେହି ଏହା କିଭଳି ସମ୍ଭବ ବୋଲି ପ୍ରଶ୍ନ କରିଛନ୍ତି। ସେହିଭଳି କଇଁଛର ସାହସକୁ ଦେଖି ଅନେକ ଆଶ୍ଚର୍ଯ୍ୟ ହୋଇଥିବା କହିଛନ୍ତି। ବର୍ତ୍ତମାନ ଯାଏ ଭିଡିଓଟିକୁ ହଜାର ହଜାର ସଂଖ୍ୟାରେ ଲୋକ ଦେଖିବା ସହ ନିଜ ନିଜର ମତାମତ ଦେଉଛନ୍ତି।
After taking the booster dose pic.twitter.com/bpJe72Ex95
— Susanta Nanda IFS (@susantananda3) October 7, 2021
