ବିଶ୍ୱର ସର୍ବଶ୍ରେଷ୍ଠ କ୍ରିଡାବିତ୍ଙ୍କ ମଧ୍ୟରେ ଅନ୍ୟତମ ଲିଓନେଲ ମେସି। ନିକଟରେ ମେସିଙ୍କ ଦରମା ବିଷୟରେ ସୂଚନା ଲିକ୍ ହୋଇଛି। ଏକ ରିପୋର୍ଟ ଅନୁଯାୟୀ, ପ୍ରାୟ ୨ ଦଶନ୍ଧି ଧରି ସ୍ପାନିଶ କ୍ଲବ ବାର୍ସିଲୋନା ସହ ଜଡିତ ମେସିଙ୍କୁ ୪ ସିଜିନ୍ ପାଇଁ ୫୫ କୋଟି ୫୦ ଲକ୍ଷ ୟୁରୋ ଅର୍ଥାତ୍ ୪୯୧୧ କୋଟି ଟଙ୍କା ମିଳିଥିଲା। ଏହି ଅର୍ଥ ବର୍ତ୍ତମାନ ପର୍ଯ୍ୟନ୍ତ କୌଣସି ବି ଖେଳାଳିଙ୍କୁ ମିଳିନାହିଁ। ଏପରିକି ଭାରତର ସବୁଠାରୁ ଧନୀ ଖେଳାଳି ବିରାଟ କୋହଲିଙ୍କ ତୁଳନାରେ ଏହି ଆୟ ଢ଼େର୍ ଅଧିକ।
ଫୁଟବଲ ନାମ ଉଠିବା ମାତ୍ରେ ସର୍ବପ୍ରଥମେ ମେସିଙ୍କ ନାମ ସାମ୍ନାକୁ ଆସିଥାଏ। ଛୁଆରୁ ବୃଦ୍ଧ ପର୍ଯ୍ୟନ୍ତ ସମସ୍ତେ ତାଙ୍କୁ ଚିହ୍ନନ୍ତି। ସେ ଜଣେ ଭଲ ଖେଳାଳି ସାଙ୍ଗକୁ ସବୁଠାରୁ ଦାମୀ ଖେଳାଳି ମଧ୍ୟ।
୨୦୧୭ରେ ବାର୍ସିଲୋନା ସହ ମେସି କ୍ରୀଡ଼ା ଇତିହାସରେ ସବୁଠାରୁ ବଡ଼ ଚୁକ୍ତି କରିଥିଲେ।