ମଦ ଚୋରାଚାଲାଣ ଏକ ନିତିଦିନିଆ ଘଟଣା। ମାତ୍ର ବେଳେବେଳେ ଚୋରଙ୍କ ଉପାୟ ଦେଖିଲେ ଆଶ୍ଚର୍ଯ୍ୟ ଲାଗେ। ଏବେ ସେହିପରି ଏକ ଅଜବ ଉପାୟରେ ମଦ ଚୋରାଚାଲାଣ କରାଯାଉଥିବାର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହା ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ। ପୋଲିସ ବି ଏହା ଦେଖି ମୁଣ୍ଡରେ ହାତ ଦେଇଛି।
ଏହି ଭିଡିଓକୁ ଭାରତୀୟ ପ୍ରଶାସନିକ ସେବା ଅଧିକାରୀ ଅବନୀଶ ଶରଣ ତାଙ୍କ ଟୁଇଟର ପେଜ୍ରେ ଶେୟାର କରିଛନ୍ତି। ଏଥିରେ ସେ କ୍ୟାପଶନ ଲେଖିଛନ୍ତି ବାଃ! ଏତେ ଶକ୍ତି, ବୁଦ୍ଧି ଏବଂ ପରିଶ୍ରମକୁ ମାନିବାକୁ ପଡ଼ିବ। ଏହି ଭିଡିଓକୁ ପ୍ରତିଷ୍ଠିତ ବ୍ୟବସାୟୀ ଆନନ୍ଦ ମହିନ୍ଦ୍ରା ମଧ୍ୟ ଶେୟାର କରିଛନ୍ତି।
ଦେଢ଼ ମିନିଟ୍ର ଏହି ଭିଡିଓରେ କିଛି ପୋଲିସ ଏବଂ ଲୋକ ଏକ ପିକ୍ଅପ୍ ଭ୍ୟାନ ନିକଟରେ ଛିଡ଼ା ହୋଇଛନ୍ତି। ଏହି ଗାଡ଼ି ପଛରେ ଲାଗିଥିବା ନମ୍ବର ପ୍ଲେଟ୍କୁ ହଟାଇ ଦିଆଯାଉଛି। ନମ୍ବର ପ୍ଲେଟ୍ ହଟାଇବା ପରେ ଭିତରେ ଏହା ପେଟି ପେଟି ମଦ ବୋତଲ ଥିବା ଦେଖିବାକୁ ମିଳିଛି। ନମ୍ବର ପ୍ଲେଟ୍ ଦେଖିଲେ ଆପଣ ବି କହିବେ ଏହା ଭିତରେ ଏତେ ସ୍ଥାନ ଥାଏ? ଯେଉଁଠିକି ଏତେ ପରିମାଣର ମଦ ବୋତଲ ରହିପାରୁଛି।