ନୂଆଦିଲ୍ଲୀ,୧୦।୭: ଟିମ୍ ଇଣ୍ଡିଆର ପୂର୍ବତନ ଅଧିନାୟକ କ୍ରିକେଟର ସୁନୀଲ ଗାଭାସ୍କରଙ୍କୁ ଶନିବାର ୭୨ ବର୍ଷ ପୂରଣ ହୋଇଛି। ସେ ୧୯୪୯ ଜୁଲାଇ ୧୦ରେ ମୁମ୍ବାଇଠାରେ ଜନ୍ମ ଗ୍ରହଣ କରିଥିଲେ। ଲିଟିଲ୍ ମାଷ୍ଟରଙ୍କ ଜନ୍ମଦିନରେ ତାଙ୍କ ପ୍ରଶଂସକମାନଙ୍କ ପକ୍ଷରୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି। ଗାଭାସ୍କର ୨୩୩ ଅନ୍ତର୍ଜାତୀୟ ମ୍ୟାଚ୍ ଖେଳି ୧୩,୨୧୪ ରନ୍ ସଂଗ୍ରହ କରିଛନ୍ତି। ପ୍ରଥମ ବ୍ୟାଟ୍ସ ମ୍ୟାନ୍ ଭାବେ ସେ ୧୦,୦୦୦ରନ୍ ଟେଷ୍ଟ୍ କ୍ରିକେଟରେ ସଂଗ୍ରହ କରିଛନ୍ତି। ସେ ଟେଷ୍ଟ୍ରେ ୩୪ ଶତକ ହାସଲ କରି ରେକର୍ଡ କରିଥିଲେ। ତେବେ ତାଙ୍କର ଏହି ରେକର୍ଡକୁ ୨୦୦୫ରେ କ୍ରିକେଟର ମାଷ୍ଟର ବ୍ଲାଷ୍ଟର ସଚିନ୍ ତେନ୍ଦୁଲକର ଭାଙ୍ଗିବାକୁ ସକ୍ଷମ ହୋଇଥିଲେ। ଗାଭାସ୍କର ପ୍ରଥମ ବ୍ୟାଟ୍ସ୍ ମ୍ୟାନ୍ ଭାବେ ଟେଷ୍ଟ ମ୍ୟାଚ୍ର ଉଭୟ ଇନିଂସ୍ରେ ୩ ଥର ଦ୍ୱିଶତକ କରିଛନ୍ତି।
