ଲକ୍ଷ୍ନୌ,୧୧ ।୪: ପ୍ରତିଯୋଗୀତାରେ ବିଜୟ ଅପେକ୍ଷା ଅଧିକ ଗୁରୁତ୍ୱପୂର୍ଣ୍ଣ ହୋଇଥାଏ ଏଥିରେ ଭାଗ ନେବା । ହେଲେ ଖେଳାଳୀଙ୍କୁ ଯେତେବେଳେ ସେମାନଙ୍କୁ ସେମାନଙ୍କର ଉଚିତ ସମ୍ମାନ ମିଳି ନଥାଏ ସେତେବେଳେ ସେମାନେ ନିରାଶ ହୋଇଯାଇଥାଆନ୍ତି । ଏମିତି କିଛି ଘଟଣା ଘଟିଛି କୁନି ଧାବିକା କାଜଲ ନିଷାଦଙ୍କ ସହ । ଗତ ବର୍ଷ ମାରାଥନରେ ଅଂଶ ଗ୍ରହଣ କରିବା ପରେ ବି ଯେତେବେଳେ ତାଙ୍କ ମେଧାକୁ ଉଚିତ ସମ୍ମାନ ମିଳିଲା ନାହିଁ ସେତେବେଳେ ସେ ଏହାକୁ ନେଇ ଗୁହାରି କରିବାକୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିବାକୁ ଦୌଡି ଦୌଡି ଲକ୍ଷ୍ନୌ ବାହାରିଥିଲେ ।
କାଜଲ କୁହନ୍ତି ରାତି ରହଣି ପରେ ସେ ୩ଦିନ ମଧ୍ୟରେ ଲକ୍ଷ୍ନୌ ପହଞ୍ଚିବେ ଓ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ କ୍ରିଡା ଅଧିକାରୀଙ୍କୁ ଏସମ୍ପର୍କରେ ଜଣାଇବେ । କାଜଲ ତାଙ୍କର ଏହି ଯାତ୍ରାକୁ ପ୍ରୟାଗରାଜ ଟୁ ଲକ୍ଷ୍ନୌ ଅଲଟ୍ରା ମାରାଥନ ନାମ ଦେଇଛନ୍ତି । ଇନ୍ଦିରା ମାରାଥନରେ ବଡ ବଡ ଧାବକଙ୍କୁ ପଛରେ ପକାଇ କାଜଲ ୪ ଘଣ୍ଟା ୨୨ ମିନିଟରେ ୪୨ କିଲୋମିଟର ଦୌଡିଥିବା ବେଳେ ସେତେବେଳେ ତାଙ୍କୁ ଖୁବ୍ ପ୍ରଶଂସା କରାଯାଇଥିଲା । ହେଲେ ଏହାକୁ ନେଇ ପ୍ରଶାସନ ପକ୍ଷରୁ କୌଣସି ପ୍ରୋତ୍ସାହନ ରାଶି ବା ସମ୍ମାନ ମିଳି ନ ଥିବରୁ ସେ ନିରାଶ ହୋଇଛନ୍ତି । ମାଣ୍ଡାରେ ରହୁଥିବା କାଜଲ ଏହା ପୂର୍ବରୁ ପ୍ରୟାଗରାଜର ସୁଭାଷ ଚୌକରୁ ୧୬ ଦିନରେ ଦିଲ୍ଲୀର ଇଣ୍ଡିଆ ଗେଟ ପହଞ୍ଚି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲେ ।