ଜୋହାନ୍ସବର୍ଗ,୧।୭(ପି.ଟି.): ଆସନ୍ତା ୧୮ ତାରିଖରୁ ଦକ୍ଷିଣ ଆଫ୍ରିକାରେ ଆରମ୍ଭ ହେବାକୁ ଯାଉଛି ଲାଇଭ୍ କ୍ରିକେଟ। କୋଭିଡ୍-୧୯ କାରଣରୁ ‘୩ଟି କ୍ରିକେଟ କମ୍ବିଟିଶନ’ସ୍ଥଗିତ ରହିଥିଲା। ଜୁନ୍ ୨୭ରେ ଏହା ଆରମ୍ଭ ହେବାର ଥିଲା। ତେବେ ମହମାରୀ କାରଣରୁ ଏହାକୁ ଅନିର୍ଦ୍ଦିଷ୍ଟ କାଳ ପାଇଁ ଘୁଞ୍ଚାଇ ଦିଆଯାଇଥିଲା। ଏବେ ଆରମ୍ଭ ହେବାକୁ ଯାଉଛି। ଏହି ଟୁର୍ନାମେଣ୍ଟରେ ଦକ୍ଷିଣ ଆଫ୍ରିକାର ଶ୍ରେଷ୍ଠ ୨୪ଜଣ କ୍ରିକେଟର ସାମିଲ ହେବେ। ଖେଳାଳିମାନେ ୩ଟି ଦଳରେ ସାମିଲ ହେବେ। ଇଗଲ୍ସ ଦଳର ନେତୃତ୍ୱ ନେବେ ଏବି ଡିଭିଲର୍ସ, କିଙ୍ଗଫିସର୍ସ ଦଳର ନେତୃତ୍ୱ ନେବେ କାଗିସୋ ରାବାଡା ଓ କାଇଟ୍ସ ଦଳାର ଅଧିନାୟକ ଭାବେ ଦାୟିତ୍ୱ ନେବେ କ୍ୱିଣ୍ଟନ ଡିକକ୍। କ୍ରିକେଟରମାନେ ଟ୍ରେନିଂକୁ ପ୍ରତ୍ୟାବର୍ତ୍ତନ କରିବା ପରେ ଏହି ଟୁର୍ନାମେଣ୍ଟ ଆରମ୍ଭ କରିବାକୁ ନିଷ୍ପତ୍ତି ନିଆଯାଇଛି।