ଭୁବନେଶ୍ୱର,୨୭।୨: ଟାଟା ଷ୍ଟିଲ୍ ଫାଉଣ୍ଡେଶନ (ଟିଏସ୍ଏଫ୍) ସହଯୋଗରେ ସୁବର୍ଣ୍ଣରେଖା ବନ୍ଦର ପ୍ରାଇଭେଟ୍ ଲିମିଟେଡ୍(ଏସ୍ପିପିଏଲ୍) ବାଲେଶ୍ୱର ଜିଲାର ବାଲିଆପାଳର ଡଗରା ଗ୍ରାମ ପଞ୍ଚାୟତରେ ମହିଳା ସ୍ବୟଂ ସହାୟକ ଗୋଷ୍ଠୀ (ଏସ୍ଏଚ୍ଜି)ର ସଦସ୍ୟଙ୍କ ପାଇଁ ସବାଇ ଘାସ ହସ୍ତତନ୍ତ ସାମଗ୍ରୀ ଉପରେ ଏକ ତାଲିମ କାର୍ଯ୍ୟକ୍ରମ ଆରମ୍ଭ କରିଛି। ଉକ୍ତ କାର୍ଯ୍ୟକ୍ରମର ଉଦ୍ଘାଟନୀ ଅଧିବେଶନରେ ଡଗରା ସରପଞ୍ଚ ସତ୍ୟାନନ୍ଦ ମହାନ୍ତି,ଏସ୍ପିପିଏଲ୍ର ପ୍ରଶାନିକ ବିଭାଗର ବରିଷ୍ଠ ଡିଭିଜନାଲ ମ୍ୟାନେଜର ପ୍ରମୋଦ କୁମାର ଏବଂ ଟାଟା ଷ୍ଟିଲ୍ ଫାଉଣ୍ଡେଶନର ଅଧିକାରୀ ପ୍ରମୋଦ କୁମାର ପାତ୍ର ପ୍ରମୁଖ ଯୋଗଦେଇଥିଲେ। ବିଶେଷକରି ୨ମାସର ପ୍ରଶିକ୍ଷଣ କାର୍ଯ୍ୟକ୍ରମକୁ ୨ଜଣ ସରକାରୀ ସାର୍ଟିଫାଏଡ୍ ଟ୍ରେନରଙ୍କ ଦ୍ୱାରା ଟ୍ରେନିଂ ଅଫ୍ ଟ୍ରେନର ମଡେଲରେ ଶିକ୍ଷାଦାନ କରାଯିବ। ଏପରିକି ଉକ୍ତ କାର୍ଯ୍ୟକ୍ରମଟି ସବାଇଘାସ ହସ୍ତତନ୍ତ ସାମଗ୍ରୀ କାରବାର କରୁଥିବା ଅନ୍ୟ ଏସ୍ଏଚ୍ଜିମାନଙ୍କୁ ତାଲିମ ଦେବା ପାଇଁ ଏହା ବେଶ୍ ସହାୟକ ହେବ। କାରଣ ଏହା ଜରିଆରେ ତାଲିମପ୍ରାପ୍ତ ବ୍ୟକ୍ତିଙ୍କ ଦକ୍ଷତା ବୃଦ୍ଧି କରିବାକୁ ଉଭୟ ସରକାର ଓ କମ୍ପାନୀ କର୍ତ୍ତୃପକ୍ଷ ଲକ୍ଷ୍ୟ ରଖିଛନ୍ତି। ସେହିଭଳି ଏସ୍ଏଚ୍ଜି ଦ୍ୱାରା ପ୍ରସ୍ତୁତ ଉତ୍ପାଦଗୁଡ଼ିକର ଗୁଣବତ୍ତା ଏବଂ ପରିମାଣ ବୃଦ୍ଧି କରିବା ସହ ତାଲିମ ପ୍ରୋଗ୍ରାମ ବେଶ୍ ଉପଯୋଗୀ ହେବ।