ଜୟପୁର, ୧୮ା୯ (ନି.ପ୍ର.): ନିଶାଶକ୍ତ ଅବସ୍ଥାରେ ଗାଡି ଚଳାଉଥିବା ଡ୍ରାଇଭର ଓ ହେଲ୍ପରଙ୍କୁ ଧରି ଲୋକେ ନିସ୍ତୁକ ମାଡ଼ ମାରିଛନ୍ତି। ଉଭୟଙ୍କୁ ଜୟପୁର ସଦର ପୋଲିସ ଗିରଫ କରିଛି। ସେମାନେ ହେଲେ ଲିପୁ ନାୟକ ଓ କେ ଶିବା। ସୂଚନା ମୁତାବକ, ଏକ ଟ୍ରଲର ଜୟପୁର ଅଭିମୁଖେ ଆସୁଥିବା ବେଳେ ଡ୍ରାଇଭର ଓ ହେଲ୍ପର ନିଶାସକ୍ତ ଅବସ୍ଥାରେ ବାମୁଣି ଗାଁ ନିକଟରେ ୩ଟି ଗାଡିକୁ ଧକ୍କା ଦେଇଥିଲେ। ଏଥିରେ ୩ ଜଣ ଆହତ ହୋଇଥିଲେ। ଏହାକୁ ଦେଖି ଲୋକମାନେ ଟ୍ରଲରକୁ ଗୋଡାଇ ଗ୍ଲୋକାଲ ହସ୍ପିଟାଲ ନିକଟରେ ଧରି ନିଶାସକ୍ତ ଡ୍ରାଇଭର ଓ ହେଲ୍ପରଙ୍କୁ ନିସ୍ତୁକ ମାଡ଼ ମାରି ପୋଲିସକୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ପହଞ୍ଚି ସେମାନଙ୍କୁ ଗିରଫ କରିବା ପରେ ଉଭୟଙ୍କୁ କୋର୍ଟଚାଲାଣ କରିଛି।