ନୂଆଦିଲ୍ଲୀ,୧୧।୪: ଦେଶରେ କରୋନା ମାମଲା ବଢିବାରେ ଲାଗିଛି। ଆଜି ୧ ଲକ୍ଷ ୫୨,୦୦୦ ରୁ ଅଧିକ ନୂଆ ସଂକ୍ରମଣ ସାମ୍ନାକୁ ଆସିଛି। ଏପର୍ଯ୍ୟନ୍ତ ଗୋଟିଏ ଦିନରେ ଏହା ସବୁଠାରୁ ବଡ ସଂଖ୍ୟା। ୨୪ ଘଣ୍ଟା ମଧ୍ୟରେ ୮୩୯ଜଣଙ୍କର ମୃତ୍ୟୁ ହୋଇଛି। ଏହି କାରଣରୁ, ଅନେକ ରାଜ୍ୟରେ କଟକଣା ଲାଗିଛି। ଦିଲ୍ଲୀରେ ବିବାହ ଠାରୁ ମେଟ୍ରୋ ବସ ପର୍ଯ୍ୟନ୍ତ ଯାତ୍ରା ଉପରେ ଅନେକ ପ୍ରତିବନ୍ଧକ ଲଗାଯାଇଛି। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲ ଏକ ଖବରଦାତା ସମ୍ମିଳନୀ କରି ପ୍ରତିବନ୍ଧକ ସମ୍ପର୍କରେ ସୂଚନା ଦେଇଛନ୍ତି। ମୁଖ୍ୟମନ୍ତ୍ରୀ କହିଛନ୍ତି ଯେ. ଦିଲ୍ଲୀରେ କରୋନା ବହୁତ ଦ୍ରୁତ ଗତିରେ ବଢୁଛି ଏବଂ ଗତ ୨୪ ଘଣ୍ଟା ମଧ୍ୟରେ ୧୦୭୩୨ ମାମଲା ରୁଜୁ ହୋଇଛି, ଯାହା ଏପର୍ଯ୍ୟନ୍ତ ସର୍ବାଧିକ। ଦିଲ୍ଲୀର କରୋନାର ଚତୁର୍ଥ ଲହର ଅତ୍ୟନ୍ତ ବିପଜ୍ଜନକ। ଏହାର ମୁକାବିଲା ପାଇଁ ଆମେ ସମସ୍ତଙ୍କ ସହଯୋଗ ନେଉଛୁ। ଏହାକୁ ଦୂର କରିବା ପାଇଁ ଦିଲ୍ଲୀ ସରକାର ତିନୋଟି ସ୍ତରରେ କାର୍ଯ୍ୟ କରୁଛନ୍ତି। ଦିଲ୍ଲୀର ଅବସ୍ଥା ଚିନ୍ତାଜନକ କିନ୍ତୁ ଲକଡାଉନର ଆବଶ୍ୟକତା ନାହିଁ। ଲକ୍ଡାଉନ ସମାଧାନର ବାଟ ନୁହେଁ, ଏହାପୂର୍ବରୁ ଆମକୁ ସତର୍କ ରହିବାକୁ ପଡିବ ବୋଲି କେଜ୍ରିଓ୍ବାଲ କହିଛନ୍ତି।
