ପାଟଣା,୬।୨(ବୀର କିଶୋର ଦାଶ): କେନ୍ଦୁଝର ଜିଲା ସାହରପଡା ବ୍ଲକ କୁଣ୍ଡଳା ପଞ୍ଚାୟତ ମୁଖ୍ୟାଳୟ ଏମ କେ(ମିରିଖୋଜୀ କୁଣ୍ଡଳାଉଚ୍ଚ ବିଦ୍ୟାଳୟ) ହାଇସ୍କୁଲ କୁଣ୍ଡଳା ଗେଟ ସମ୍ମୁଖରେ ଗୁରୁବାର ସକାଳୁ ନବମ ଦଶମ ଶ୍ରେଣୀର ୬୮ ଛାତ୍ରୀଛାତ୍ର ଗେଟରେ ତାଲା ପକାଇ ଧାରଣାରେ ବସିଛନ୍ତି। ଛାତ୍ରୀଛାତ୍ରଙ୍କ ଅଭିଯୋଗ ଅନୁଯାୟୀ, ଅନୁମୋଦିତ ଶିକ୍ଷକ ୮ ଜଣଙ୍କ ମଧ୍ୟରୁ ୨ଜଣ ଶକ୍ଷକ ସ୍କୁଲରେ ଅଛନ୍ତି। ୨ ଜଣ ବିଜ୍ଞାନ ଶିକ୍ଷକ ତାରଚାନ୍ଦ ମହାନ୍ତ ଓ ଶରତ ଚନ୍ଦ୍ର ସାହୁ ଅଛନ୍ତି। ପ୍ରଧାନ ଶିକ୍ଷକ ଦାୟିତ୍ୱରେ ଥିବା ଭାରପ୍ରାପ୍ତ ଶିକ୍ଷକ ତାରଚାନ୍ଦ ବର୍ଷେ ହେବ ଆସୁ ନ ଥିବାବେଳେ ଉପସ୍ଥାନରେ ଦସ୍ତଖତ କରି ଦରମା ନେଉଥିବାର ଛାତ୍ରୀଛାତ୍ର ଓ ଅଭିଭାବକ ଅଭିଯୋଗ କରିଛନ୍ତି। ଏଥିସହ ନିମ୍ନମାନର ମଧ୍ୟାହ୍ନ ଭୋଜନ, ପ୍ରଧାନ ଶିକ୍ଷକଙ୍କ ମନମୁଖୀ କାର୍ଯ୍ୟ ସହ ଷ୍ଟାଇପେଣ୍ଟ ନ ଦେବା ଆଦି ଦାବିରେ ଧାରଣା ଛାତ୍ରୀଛାତ୍ରମାନେ ଧାରଣାରେ ବସିଛନ୍ତି। ଦିନ ୧୨ଟାବେଳେ ପ୍ରଧାନଶିକ୍ଷକ ସ୍କୁଲରେ ପହଞ୍ଚିଥିଲେ ହେଁ ତାଙ୍କୁ ଛାତ୍ରୀମାନେ ସ୍କୁଲକୁ ପ୍ରବେଶ କରାଇ ଦେଇ ନ ଥିଲେ। ପ୍ରଧାନ ଶିକ୍ଷକଙ୍କୁ ଏନେଇ ପ୍ରତିକ୍ରିୟାରେ ପଚାରିବାରୁ ମୋ ସ୍ତ୍ରୀର ସାଇଟିକା ରୋଗ ଥିବାରୁ ନିୟମିତ ସ୍କୁଲକୁ ଆସିପାରୁନାହିଁ। ଏନେଇ ଡିଇଓ ପୂର୍ଣ୍ଣ ଚନ୍ଦ୍ର ବରିହାଙ୍କୁ ପଚାରିବାରୁ ମୁଁ ନୂଆ ଆସିଛି ତଦନ୍ତ କରି କହିବି ବୋଲି କହିଛନ୍ତି।
