ଲକ୍ଷ୍ନୌ,୧୭।୩: ଲୋକ ସଭା ନିର୍ବାଚନର ତାରିଖ ଘୋଷଣା କରାଯାଇଛି। ଉତ୍ତରପ୍ରଦେଶର ୮୦ଟି ଆସନରେ ୭ଟି ପର୍ଯ୍ୟାୟରେ ଭୋଟ ଗ୍ରହଣ କରାଯିବ। ସେପଟେ ସମାଜବାଦୀ ପାର୍ଟି ପ୍ରତିଷ୍ଠାତା ମୂଲାୟମ ସିଂ ଯାଦବଙ୍କ ବୋହୂ ତଥା ଭାଜପା ନେତା ଅପର୍ଣ୍ଣା ଯାଦବ ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ଭେଟିଛନ୍ତି। ମୁଖ୍ୟମନ୍ତ୍ରୀ ଯୋଗୀଙ୍କ ସହ ଅପର୍ଣ୍ଣା ଯାଦବଙ୍କ ସାକ୍ଷାତ ପରେ ୟୁପିରେ ରାଜନୈତିକ ଚର୍ଚ୍ଚା ଆରମ୍ଭ ହୋଇଛି। ଅପର୍ଣ୍ଣାଙ୍କୁ ୟୁପିର ଯେକୌଣସି ଆସନରୁ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିପାରିବେ।
ଅପର୍ଣ୍ଣା ଯାଦବ ତାଙ୍କ ସୋସିଆଲ ମିଡିଆ ଆକାଉଣ୍ଟ ଏକ୍ସରେ ସିଏମ ଯୋଗୀଙ୍କ ସହ ତାଙ୍କର ସାକ୍ଷାତ ଫଟୋ ମଧ୍ୟ ଶେୟାର କରିଛନ୍ତି। ସେ ଏହି ବୈଠକକୁ କେବଳ ସୌଜନ୍ୟମୂଳକ ବୋଲି ବର୍ଣ୍ଣନା କରିଛନ୍ତି। ତେବେ ସିଏମ ଯୋଗୀ ଏବଂ ଅପର୍ନା ଯାଦବଙ୍କ ମଧ୍ୟରେ ହୋଇଥିବା ବୈଠକର ଏହି ଫଟୋ ରାଜନୈତିକ ମହଲରେ ଚର୍ଚ୍ଚାର ବିଷୟ ପାଲଟିଛି। ଏହାପୂର୍ବରୁ ଅପର୍ଣ୍ଣା ଯାଦବ ଭାଜପାର ଜାତୀୟ ସାଧାରଣ ସମ୍ପାଦକ ସୁନୀଲ ବଂଶଲଙ୍କୁ ଭେଟିଥିଲେ।
ଅପର୍ଣ୍ଣା ଯାଦବ ୟୁପି ବିଧାନସଭା ନିର୍ବାଚନ ପୂର୍ବରୁ ଭାଜପାରେ ଯୋଗ ଦେଇଥିଲେ। ସେବେଠାରୁ ସେ ନିର୍ବାଚନକୁ ନେଇ ଅନେକ ଥର ଆଲୋଚନା ଚାଲିଛି।
उत्तर प्रदेश के मुख्यमंत्री परम आदरणीय श्री @myogiadityanath जी से शिष्टाचार भेंट करके उनसे आशीर्वाद प्राप्त करने का सौभाग्य प्राप्त हुआ I@BJP4India @BJP4UP pic.twitter.com/txcE9NCRpM
— Aparna Bisht Yadav (@aparnabisht7) March 17, 2024
