‘୨୦୨୪ ନିର୍ବାଚନ ସ୍ଥିର କରିବ ଦେଶରେ ଗଣତନ୍ତ୍ର ରହିବ ନା ନାହିଁ’, ଏମକେ ଷ୍ଟାଲିନଙ୍କ ବଡ ଦାବି

ଚେନ୍ନାଇ,୮।୮: ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ସୋମବାର ଚେନ୍ନାଇରେ ୨୦୨୪ ସାଧାରଣ ନିର୍ବାଚନକୁ ନେଇ ଏକ ବଡ଼ ଦାବି କରିଛନ୍ତି। ଷ୍ଟାଲିନ କହିଛନ୍ତି ଯେ ୨୦୨୪ ସାଧାରଣ ନିର୍ବାଚନ ଦେଶରେ ଗଣତନ୍ତ୍ର ରହିବ କି ନାହିଁ ତାହା ସ୍ଥିର କରିବ।
ସେ କହିଛନ୍ତି ଯେ ଗଣତନ୍ତ୍ର ହେତୁ ହିଁ ଇଣ୍ଡିଆନ ନ୍ୟାସନାଲ ଡେଙଲପମେଣ୍ଟ ଆଲାଇନ୍ସ (ଇଣ୍ଡିଆ) ସ୍ବର ଉତ୍ତୋଳନ କରିବା ଆରମ୍ଭ କରିଛି। ଷ୍ଟାଲିନ ତାଙ୍କ ପିତାଙ୍କ ପଞ୍ଚମ ଶ୍ରାଦ୍ଧବାର୍ଷିକୀ ତଥା ପାଞ୍ଚ ଥର ମୁଖ୍ୟମନ୍ତ୍ରୀ ଏମ କରୁଣାନିଧିଙ୍କୁ ସମ୍ବୋଧିତ କରି ଏହା କହିଥିଲେ।

ଷ୍ଟାଲିନ କହିଛନ୍ତି ଯେ ଏହା ନିର୍ବାଚନ ନୁହେଁ ଯାହା ପାଞ୍ଚ ବର୍ଷରେ ଥରେ ଆସେ, ଏହି ନିର୍ବାଚନ ହେଉଛି ଗଣତନ୍ତ୍ର ଭାରତରେ ରହିବ କି ନାହିଁ ତାକୁ ନେଇ ପ୍ରଶ୍ନ ଉଠୁଛି। କରୁଣାନିଧି ସର୍ବଦା କହିଥିଲେ ଯେ ତାମିଲନାଡୁରୁ ଆମେ ଭାରତ ପାଇଁ ସ୍ବର ଉତ୍ତୋଳନ କରିବା ଉଚିତ ଏବଂ ବର୍ତ୍ତମାନ ଆମେ ତାଙ୍କ କଥା ଅନୁସରଣ କରୁଛୁ। ଷ୍ଟାଲିନ କହିଛନ୍ତି ଯେ ଡିଏମକେ ଏକ ଆଞ୍ଚଳିକ ଦଳ ଏବଂ ବର୍ତ୍ତମାନ ସମୟ ଆସିଛି କରୁଣାନିଧିଙ୍କ ସ୍ବପ୍ନକୁ ସାକାର କରିବା ଯେ ଡିଏମକେ ସର୍ବଦା ଏକ ଦଳ ଭାବରେ କାର୍ଯ୍ୟ କରିବା ଉଚିତ ଯାହା ନିଶ୍ଚିତ କରେ ଯେ ରାଜ୍ୟଗୁଡିକ ସେମାନଙ୍କର ଉଚିତ ଅଧିକାର ପୂରଣ କରିବେ।